Post by ጋዜጠኛ ሰይድ አበራ

ተስፋ፦ የነገው ብርሃን አላሚ!✍️ በሕይወት ጉዞ ላይ አንዳንዴ ጨለማው የሚበረታብን፣ መንገዱም የሚረዝምብን ሊመስል ይችላል። በዙሪያችን ያሉት ነገሮች ሁሉ "አይቻልም" የሚሉ ድምፆችን ሲያሰሙ፣ ነፍሳችን የድካም ስሜት ሲሰማትና ዛሬው በፈተና ሲሞላ... እዚያው መሐል አንድ ድምፅ በዝግታ ሹክ ይለናል፤ እሱም "ተስፋ" ይባላል። ተስፋ ማለት ዝም ብሎ በከንቱ መመኘት አይደለም! ተስፋ ማለት በከባዱ ክረምት መሐል ሆኖ የፀሐይን ሙቀት መናፈቅ ነው፤ በደረቀው መሬት ላይ ሆኖ የዝናብን መምጣት ማለም ነው። ተስፋ በጨለማ ውስጥ የሚበራ ፋኖስ ሳይሆን፣ ጨለማውን አልፈን ብርሃኑ ላይ እንደምንደርስ የሚነግረን የውስጥ ጥንካሬያችን ነው። ፀሐይ በየምሽቱ ስትጠልቅ ነገ እንደማትመጣ ተስፋ ቆርጣ አይደለም፤ ይልቁንም በጠዋት አዲስ ብርሃን ይዛ ለመውጣት እንጂ! ያንተም ውድቀት ነገ ለምታገኘው ስኬት ጉልበት የሚሆንህ ዕረፍት ነው። ተስፋ ያለው ሰው በነፋስ እንደሚወዛወዝ ግን እንደማይሰበር ሸምበቆ ነው! ማዕበሉ ቢበረታም፣ ተስፋው ደግሞ ከማዕበሉ በላይ ከፍ እንዲል ያደርገዋል። ወዳጄ ሆይ! ዛሬ የቆምክበት ቦታ የጉዞህ ማብቂያ አይደለም! ያጣኸው ነገር ነገ ለምታገኘው የተሻለ ዕድል በር ከፋች ሊሆን ይችላል። የሰው ልጅ ያለ ምግብ ለሳምንታት፣ ያለ ውኃ ለቀናት ሊቆይ ይችላል፤ ያለ ተስፋ ግን ለአንዲት ሴኮንድ እንኳ መኖር አይችልም። ስለዚህ... ሕልምህን አትተው! ራስህን አታቃልል! ዛሬ ጨልሟል ማለት ነገ አይነጋም ማለት አይደለም። ተስፋ የትላንት ውድቀቶቻችንን የምንጠግንበት፣ የዛሬ ድካማችንን የምንረሳበትና የነገ ስኬታችንን የምንስልበት ብሩህ ብዕራችን ነው። ሁልጊዜም ተስፋ ይኑረን፤ ምክንያቱም ተስፋ ያለው ሰው ገና ያልተገለጠ እድል በእጁ አለና! ነገ የተሻለ ቀን ነው! To the best of my knowledge!❤ ማሐደረ-ሀሳብ (ጋዜጠኛው ሰይድ አበራ✍️ Syfedin Syfedin Alemseged keshelflay TV show Mohammed Fentaw Misiker Sinafik