Post by Zlatko Bezovski PhD

Иако е наменета за глобални корисници, IDEA Takeoff е пред сè македонски производ. (Линк до Play Store во коментар)   Природно ми е да се надевам дека првите што би сакале да помогнат во процесот се македонските заедници на LinkedIn и Twitter, а секако и пријателите на Facebook.   Сега-засега ми се чини дека суштинска поддршка изостанува. Лајковите се супер, но не се доволни за објавата да биде видена од поширока публика меѓу кои би биле и целните корисници. (Благодарност до Gogo Rafajlovski и Riste Mise за будноста и лајковите, кои, иако не се целни корисници, околу нив гравитира идните претприемачи, а од друга страна корисниците на IDEA Takeoff би можеле во иднина да бидат и нивни партнери/корисници.)    Првата помисла за слабиот ефект ми е дека можеби идејата и производот не се доволно добри. Независно од тоа, јас сум упорен и тврдоглав претприемач (во обид) и продолжувам.   Втората помисла ми е дека ваквиот пристап и овие мрежи/канали не допираат до основната целна група, а оние што ја гледаат објавата не ја разбираат доволно. Затоа следните канали на кои ќе продолжам со промоција се Instagram, TikTok и Facebook групи и можеби Reddit.   Тука, на LinkedIn, ќе објавувам  на англиски со намера да го градам личниот бренд, и преку тематски објави и примери за користење на IDEA Takeoff ќе целам да привлечам внимание на долг рок.   Доколку некој има идеја или предлог како да продолжам со промоција, слободно нека пише. Секој коментар е добредојден.   Кога IDEA Takeoff ќе почне да генерира приходи, со задоволство би ангажирал македонски LinkedIn специјалист/експерт за промоција на оваа мрежа. Токму македонски за IDEA Takeoff да остане 100% македонски продукт во надеж дека ќе постигне и светска слава.