Post by Zeyad Attya

أخطر خطوة في البيزنس هي التطوير لمرحلة أنت مش جاهز لها إداريًا. من يومين حضرت Event عن تطوير الأعمال، ووسط ما معظم أصحاب الشركات مستنيين يسمعوا إزاي يطوروا شركاتهم من خلال زيادة المبيعات، أو افتتاح فروع أكتر، أو بناء قاعدة عملاء أكبر... بدأ Dr.Mohamed Moharem يتكلم عن التطوير من منظور مختلف، ممكن يكون غايب عن كتير مننا. غالبًا بنربط كلمة "التطوير" بشيء إيجابي في كل الأحوال. لكن الحقيقة إن مش كل تطوير مناسب في أي وقت. وضرب لنا مثال بسيط يوضح الجزئية دي: البلونة. كل نفخة بتكبرها. لكن بتوصل لمرحلة، لو نفخت فيها مرة زيادة... هتنفجر. الفكرة نفسها بتنطبق على الشركات. زيادة الفروع، أو المنتجات، أو العملاء، أو حتى الفريق، مش معناها إن المشروع بيتطور. لو الإدارة، والأنظمة، والفريق مش جاهزين للمرحلة الجديدة، فالتطوير ممكن يتحول من فرصة للنمو إلى سبب لمشكلات كبيرة قد تؤدي إلى الانهيار. النجاح الحقيقي مش إنك تكبر بأسرع وقت... النجاح الحقيقي إنك تعرف إمتى تكبر، وتكون مستعد للمرحلة اللي رايح لها.