Post by Zeinab Abdel_Hady

بِسْمِ اللَّهِ الرَّحْمَٰنِ الرَّحِيمِ ﴿رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ﴾ ﴿سورة النمل: 19﴾💙 الحمد لله الذي بنعمته تتم الصالحات، والذي يهيئ للإنسان في طريقه أشخاصًا يكونوا سببًا في تعليمه، وإلهامه، وصقل شخصيته، فيصبح أكثر علمًا، وأكثر خبرة، وأكثر يقينًا بأن لكل خطوة أثرًا، ولكل جهد ثمرة. واليوم وأنا بختتم مرحلة من أجمل مراحل حياتي، حابة أعبر عن امتناني لكل شخص كان جزء من الرحلة دي. لأنها ما كانتش مجرد مشاركة في نشاط طلابي، لكنها كانت رحلة مليانة تعلم، وعمل، وتحديات، وإنجازات، وسابت في قلبي أثر هيفضل معايا مهما عدت السنين. في البداية، أتقدم بخالص الشكر وعظيم الامتنان إلي EELU ASWAN STUDENT BRANCH ، الكيان اللي اداني فرصة حقيقية إني أكون جزء منه. لقيت فيه بيئة بتشجع على التعلم، وبتدفع كل واحد فينا إنه يجتهد ويطور من نفسه، وبتؤمن إن الشباب قادرين يصنعوا فرق حقيقي لما يلاقوا الدعم والثقة. في المكان ده اتعلمت إن النجاح عمره ما بيكون مجهود فرد واحد، لكنه نتيجة تعاون فريق كامل، وإن تحمل المسؤولية، والالتزام، وروح الفريق، كلهم أسباب حقيقية لأي نجاح. واتعلمت كمان إن القيادة مش مجرد منصب، لكنها أخلاق، واحتواء، وقدرة على تمكين اللي حواليك، وزرع الثقة فيهم 💙 أحب أتوجه بخالص الشكر والتقدير إلى دكتور "‏Mohamed Mahmoud, Abdelrahman Mahmoud, Mostafa Tag " على كل الوقت والمجهود اللي بذلتوه معانا، وعلى دعمكم وتشجيعكم المستمر، وعلى الثقة اللي منحتوهالنا، وكانت سبب بعد فضل الله إننا نجتهد ونسعى دايمًا إننا نكون أفضل. شكرًا لأنكم كنتم خير موجهين، وخير داعمين، وخير قدوة. عمركم ما بخلتم علينا بمعلومة أو نصيحة، وكان لحرصكم علينا أكبر الأثر في بناء شخصياتنا، وزيادة ثقتنا بنفسنا، وإيماننا بقدراتنا. كما أتقدم بخالص الشكر والعرفان إلى الدكتورة الفاضلة د. ‏‏Fatma Hany على "Session "Presentation Skills ، اللي بجد كانت من أكتر السيشنز اللي استفدنا منها، وكلنا خرجنا منها بمعلومات وخبرات وثقة أكبر في نفسنا سواء علي المستوي العملي أو الشخصي ، وكانت سبب في إن ثقتنا بنفسنا تزيد، ونتعلم إزاي نقدم أفكارنا بصورة أفضل . أسلوب حضرتك في الشرح، وطريقتك في توصيل المعلومة، والنصائح اللي قدمتيها، كل ده كان له أثر كبير فينا جزاكِ الله خير الجزاء، وبارك لكِ في علمك وعملك، ونفع بك، وجعل كل ما علمتِنا إياه صدقة جارية في ميزان حسناتك. ولا يفوتني أن أشكر جميع زملائي اللي كان ليا الشرف إني أشتغل معاهم. كانت رحلة أجمل بوجودكم، وتعلمت من كل واحد فيكم حاجة، وهتفضل الذكريات اللي جمعتنا من أجمل الذكريات بالنسبة ليا. ‏‏Rawan Ahmed‏, Mayar Ramadan , ‏Nada Osama Salah Abu Al-Majd ‏,‏Arwa Hamada ‏,‏Yousra Amr ‏,‏ Bassant Ashraf ,‏ Zyad Mamdouh ,‏ Shahd Kamal ,‏Agya Romany وأخيرًا... سيبقى EELU ASWAN STUDENT BRANCH صفحة مشرقة في حياتي، وذكرى هفضل أعتز بيها، وتجربة أفتخر إني كنت جزء منها. وكل اللي اتعلمته خلال الرحلة دي هيكون بإذن الله زاد ليا في كل خطوة جاية. شكرًا لكل من كان سببًا في تلك التجربة ، ولكل يد امتدت بالعون، ولكل كلمة تشجيع، ولكل نصيحة صنعت فرقًا. أسأل الله أن يبارك في هذا الكيان، ويوفق كل القائمين عليه، ويجزيهم خير الجزاء، ويديم أثره الطيب في نفوس كل أعضائه. والحمد لله أولًا وآخرًا، ظاهرًا وباطنًا💙 #EELU #EELU_Aswan #Aswan_Student_Branch #Student_Activities #Leadership #Teamwork #Learning #Personal_Development #Presentation_Skills