Post by Youssef Khaled

ازيكوا يا شباب، عايز أتكلم في حاجة بقت بتتكرر معايا، وأكيد مع ناس كتير. أنا حاليًا بدور على فرصة Full Stack، فطبيعي أي Job Post ألاقي الـ Requirements بتاعتها مناسبة لخبرتي أبعت الـ CV والـ Portfolio، ويتحدد معاد إنترفيو. تدخل الإنترفيو، تتسأل في التكنيكال، وتحل، ويتكلموا معاك عن شغلك، وفي الآخر يقولولك إن مستواك مناسب جدًا وإن ده اللي كانوا بيدوروا عليه. لحد هنا كله تمام. تيجي بقى تسأل عن الراتب… يقولك: أقل من 10. تقول: 10 آلاف دولار؟ 😅 يقولك: لا… 10 آلاف جنيه. طيب استنى شوية… حضرتك طالب شخص عنده خبرة، وشغال React / Next.js أو Full Stack، وعارف يشتغل على مشاريع حقيقية، ويدخل معاك من أول يوم، وفي الآخر المرتب أقل من 10 آلاف؟ طيب الوظيفة دي Junior ولا Mid ولا Senior؟ يقولك: “إحنا منزلين الإعلان واللي يناسبنا هنشوفه.” وده في حد ذاته مشكلة. مينفعش تنزل Job Description فيها Requirements لمستوى Mid أو Senior، وفي الآخر تعرض مرتب ميكفيش حتى شخص Junior يبدأ بيه حياته. ومن وجهة نظري، حتى الـ Junior اللي بيبدأ حياته، أقل من 10 آلاف في الظروف الحالية صعب جدًا يبقى مرتب مناسب، خصوصًا مع أسعار المعيشة والمواصلات والالتزامات. أنا مش ضد إن كل شركة يبقى ليها Budget معينة، بالعكس ده حقها. لكن يبقى فيه وضوح من البداية: * حدد مستوى الوظيفة. * حدد الـ Salary Range. * وحط Requirements مناسبة للمستوى ده. ده هيوفر وقت الشركة، وهيوفر وقت الناس اللي داخلة الإنترفيو. ومش كل مرة نفضل نعدي 3 أو 4 مراحل إنترفيو، وفي الآخر نكتشف إن المشكلة كلها كانت في الراتب. وفي الآخر، طول ما فيه ناس بتقبل بأي رقم لمجرد إنها تشتغل، الشركات هتفضل تعتبر ده هو الـ Market Rate، وده بيأثر على السوق كله، مش على الشخص اللي قبل العرض بس. دي مجرد وجهة نظر من واقع اللي بشوفه الفترة الأخيرة.