Post by Yousra Elyasa

حكايتي مع فعالية"الزراعة الذكية" 🌱✨ كتير من الناس سألوني: "يا هندسة، ليه اخترتي الزراعة بالذات؟" والإجابة ببساطة بدأت من تجربة ما كنت مخططة ليها.. بدأت مع النزوح وظروف الحرب الصعبة. لما انتقلت لـ الولاية الشمالية، الأرض هناك كانت هي الملاذ. وبديت تجربة بسيطة في "زراعة البيت"، ومن هنا بدت الأسئلة : نحن ليه ما بننتج أكتر؟ وكيف ممكن نطور مواردنا دي بذكاء وعلم عشان نغير واقعنا؟ الأسئلة دي كانت هي السبب في التفكير في الفعاليه وبسبب النهج والمستوى البنقدمه في ELEX Inventors في كل ورشة وكل محتوى بنجهزه، كان همنا الأساسي إننا نكون "سبب" حقيقي في نهضة البلاد، وما نكتفي بمجرد تقديم معلومات، بل نضع خارطة طريق تقنية واضحة. ✅ كلمة السر.. "الأثر الحقيقي" وهنا لازم أشيد بالمدير العام لشركة ELEX، Mirgany Mohammed الهو سبب كبير في انه يكون دا النهج المتبع في اختيار الورش والفعاليات ومواضيعها... وثقتهم هو و محمد طه في انه يخلوني اختار كل شي.. وقبل اختار اي ورشه او فعاليه بذكر جملته: "لما تختاري حاجة تعمليها، فكري أثرها الحقيقي والواقعي على حياة الناس حيكون شنو؟ماعايزين كلام ماممكن يطبق في ارض الواقع" الكلمات دي هي الخلتني اركز إنو فعالية الزراعة الذكية ما تكون مجرد كلام، بل خطوة عملية لمستقبل السودان. ⚠️ اما عن الشريك المناسب.. اتعلمت من التجربة دي إنو أهم شي عشان تنجح، تختار شريك بشبهك في الرؤية والتوجهات. وعشان كدة وحدنا جهودنا معIEEE SUDAN SUBSECTION لأننا لقينا عندهم نفس الشغف ونفس النهج الطموح، والانسجام ده هو الخلى الفعالية تطلع بالصورة المشرفة دي. واسمحو لي اقدم شكر خاص لمتطوعين العائله الزرقاء💙💙 وشكر خاص ل Fay Majid Elhassan PMP® و منسق البرامج الخطير Ahmed Abdelrahman ومنسق العلاقات العامه. Ahmed Altaher وشكراً من القلب..لكل المتحدثين الكانو جزو من الفعاليه ولعطائهم غير المحدود والمحتوى العظيم القدموه.. ممتنة جداً لكل زول وقف معانا ودعمنا من البداية، ولأي شخص آمن بالفكرة . دعمكم هو الخلانا نحول التساؤلات دي لواقع بجمع الخبراء والمبتكرين. ايضا دائماً خلف الكواليس منذ ان كانت مجرد فكره في نهايه السنه الفاتت كنت بلقا تشجيع مستمر ودائم من Dr. Hanan Elhadi و Dr. Nahid Fawi وحقيقه لا استطيع ان اوفيهم حقهم ابداً.. لو حابين تتابعوا الجلسات والورش الاتقدمت فحتلقو كل التسجيلات والمحتوى حتلقوه في قناتنا على تلغرام: 🔗 https://t.me/elexinventors يدكم معانا، عشان نبني سودان منتج، ذكي، ومستدام. 🇸🇩 تم انشاء مجموعة جمعت كل المهتمين بالمجال ممكن للجميع الانضمام ليها ... https://lnkd.in/d-PrCXfp #من_النزوح_إلى_الابتكار #الزراعة_الذكية #السودان #IEEE #ELEX_Inventors #SmartAgriculture #أثر_واقعي ##