Post by Yahya Abdelsamei

الفيديو دا بيتكلم عن مصنع Ancona Grupa دا مصنع اثاث في كرواتيا المصنع دا معمول استثمارات تقريبا 10 مليون يورو و بيعمل شغل في السنة حوالي 12 مليون يورو ب مكسب 150 الف يورو ، المثير للدهشه إنه إنه عدد العمال و المهندسين حوالي 150 عمال و فنيين وومهندسين. استثمارات المصنع معظمها في المكن و زي ما هتشوف هتلاقي معظم المكن الماني. طيب إزاي مصنع في مصر عنده مكن قديم أو مكن صيني يقدر يطلع 80٪ من الإنتاج بتاع مصنع كرواتيا؟ أول حاجة المكتب الفني و برنامج التصميم محتاج برنامج تقيل يقدر يعملك كل حاجة زي ما بيقولوا brain over iron. تاني حاجة هي هندسة التشغيل ك مثال بسيط في المنشار ( المقطع) لازم السكينة بتاع موتور الاسكورا تكون أعرض ب 0.1 او 0.2 من سكينة القطع الرئيسية. كدا القطع هتطلع نضيفه من غير تشليع، هتوفر وقت على ماكينة الشريط و مرحلة ال pre milling ممكن تعديها ف توفر معاك وقت. تالت حاجة بدل الروبوتس هتدرب العمال بتاعتك عشان تقدر تعتمد عليهم، لازم تفرض نظام تكويد صارم. كل قطعة تخرج من المنشار أو الـ CNC عليها Barcode. العامل مابيفكرش، العامل بيقرأ الباركود وبيتحرك في مسار مرسوم على الأرض. كده بنحقق كفاءة الروبوت. بال ٣ مباديء دول تقدر تحقق ٨٠٪ من مصنع اثاث اوروبي استثمارات ب ١٠ مليون يورو تقريبا بمصنعك ال مكملش ١ مليون يورو على بعضه. #صناعة_الأثاث #هندسة_الإنتاج #DigitalLean #CapEx #Woodworking