Post by Wissam Ben-Khamaria

كاين واحد الجملة كنسمعها كل نهار... "وسام، درت كلشي... ولكن يمكن ما عنديش الزهر." وكل مرة كنرد بنفس الجواب... البحث على خدمة ماشي مسألة زهر. راه استراتيجية. بزاف ديال الناس كيقضيو ساعات كيصيفطو CVs... ولكن عمرهم وقفو يسولو راسهم: واش الـ CV ديالي كيبين القيمة اللي نقدر نضيفها؟ واش LinkedIn ديالي كيعاون الريكروتر يلقاني؟ واش غير كنستنى les offres... ولا كنخلق حتى أنا فرص؟ الحقيقة اللي تعلمتها من خلال مئات المقابلات هي: المشكل مرات ما كيكونش فالكفاءة. كيكون فكيفاش كتقدم هاد الكفاءة. تقدر تكون عندك تجربة زوينة... وتقدر تكون الشخص المناسب... ولكن إلا ما عرفتيش كيفاش تسوق لراسك، السوق ما غاديش يعرفك. البحث على خدمة راه بوحدو خدمة. وكيحتاج Plan... ماشي غير "Apply" والسلام. إلى دابا ما وصلتيش للنتيجة اللي بغيتي... ما تستنتجش مباشرة بلي "ما عندكش الزهر". يمكن غير خاصك تبدل الطريقة. 👇 وكالعادة، ما جيتش بيديا خاوية. خليت ليكم فرص عمل جديدة فالتعليقات، سيرو طلو عليهم... يمكن تكون الفرصة اللي كنتي كتسنى. وسؤال ليكم: شنو أكثر حاجة كتوقفكم دابا فالبحث على خدمة؟ الـ CV؟ LinkedIn؟ Les entretiens؟ ولا ما عارفينش منين تبداو؟ بغيت نسمعكم فالتعليقات. 👇