Post by Waheed Haitham

الناس بتسألني كتير: "ليه اخترت Odoo؟" والحقيقة ان الإجابة مش بدأت من Odoo نفسه. أنا متخرج هندسة، لكن من فترة طويلة وأنا حاسس إن المجال التقني البحت مش كل اللي بحبه. في فترة شغلي في Shagoof - شغوف كـ Project Coordinator، اكتشفت حاجة عن نفسي: أنا بحب البيزنس. بحب أفهم إزاي الشركات بتشتغل. إزاي القرارات بتتاخد. ليه قسم بيتكلم مع قسم وليه أقسام تانية مش بتتكلم خالص. كنت بقعد ساعات بدرس مشاريع جانبية وأنا مش متطلب مني، عشان عايز أفهم الـ Business Logic ورا كل Process. في يوم، صاحبي كلّمني عن Odoo. قعدت أبحث وأقرا عنه كتير، ولقيت إن المجال بينقسم لمسارين: الـ Development والـ Consulting. في البداية، اخترت الـ Development. ذاكرت Python، اشتغلت على modules صغيرة، حاولت أفهم الـ ORM والـ XML. وكمان اتقبلت في internship لشركة Gold partner. وكان كل اللي حواليا بيقولولي "ده المسار الـ logical لمهندس." بس مع كل سطر كود كنت بكتبه، كنت بحس إن في حاجة ناقصة. مش بتاعي. اللي بيشدّني فعلاً مكنش الكود — كان الـ business اللي ورا الكود. ما كانش في لحظة واحدة "غيّرت كل حاجة". كان تحوّل تدريجي. كل ما أتعمّق في الـ Functional Side، كل ما أقرا عن الـ ERP، كل ما أفهم module جديد ودوره في الشركة — كنت بحس إن ده اللي بدور عليه. مش الكود اللي بيعمل النظام، الـ logic اللي ورا الـ business هو اللي بيبني النظام. لما فهمت كده Odoo بقي بالنسبالي مش مجرد software، ده طريقة الشركة بتفكر بيها. دلوقتي، أنا في بداية الرحلة. ولسه عندي حاجات كتير عايز أتعلّمها، شركات كتير عايز أساعدها، وأفكار كتير عايز أطبقها. ومتحمس لكل اللي جاي. ولو شغّال في نفس المجال يلا نتعرف ونتبادل الخبرات. موجود دايماً لأي نقاش، تعاون، أو فكرة جديدة. #Odoo #BusinessProcessAnalysis #ERP #CareerJourney #OdooConsulting #اودو