Post by Universiteti i Shkodrës 'Luigj Gurakuqi'

🇦🇱🇳🇱 Vizitë studimore në Holandë në kuadër të programit Erasmus+ për stafin e Departamentit të Turizmit të Fakulteti Ekonomik, UNISHK 🌍✈️📚 Në kuadër të projektit Erasmus+ të bashkëpunimit ndërinstitucional, pedagogë të Departamentit të Turizmit në Fakultetin Ekonomik të Universitetit të Shkodrës “Luigj Gurakuqi” zhvilluan një vizitë studimore në Hospitality Business School të Saxion University of Applied Sciences, në Holandë, gjatë periudhës 18–22 maj 2026. Delegacioni përbëhej nga Prof. Dr. Arjeta Troshani, Prof. Asoc. Dr. Brilanda Bushati, Dr. Romina Dhora, Arjan Gjuraj (PhD c) dhe Gentjan Memaj (PhD c). 🎓 Gjatë vizitës, stafi akademik pati mundësinë të njihej nga afër me praktikat bashkëkohore të mësimdhënies në fushën e hoteleri-turizmit, duke shkëmbyer përvoja mbi përdorimin e metodave inovative, mësimin e bazuar në projekte dhe integrimin e teknologjisë në procesin mësimor. 🌱 Një pjesë e rëndësishme e programit ishte vizita në destinacione model të turizmit të qëndrueshëm në Holandë, ku pedagogët u njohën me shembuj konkretë të menaxhimit të suksesshëm të burimeve turistike dhe zbatimit të praktikave miqësore me mjedisin. 🤝 Gjithashtu, u zhvilluan takime pune me stafin akademik të universitetit partner për identifikimin e mundësive të reja të bashkëpunimit në kuadër të projekteve Erasmus+ dhe iniciativave kërkimore në fushën e turizmit të qëndrueshëm. 🏛️ Një moment i veçantë i vizitës ishte takimi zyrtar me Kryetarin e Bashkisë së Deventer. Gjatë këtij takimi u diskutua mbi projektet e përbashkëta që po zhvillohen ndërmjet Bashkisë së Deventerit dhe Bashkisë Shkodër, të mbështetura nga fondet e Bashkimit Europian. Në këtë kuadër, Departamenti i Turizmit i FEUNISHK do të ketë një rol kyç si partner akademik, duke kontribuar në transferimin dhe përshtatjen e modeleve perëndimore të turizmit të qëndrueshëm për rajonin e Shkodrës. ✨ Kjo vizitë shënon një tjetër hap të rëndësishëm në forcimin e bashkëpunimit ndërkombëtar të Universitetit të Shkodrës “Luigj Gurakuqi”, duke krijuar mundësi të reja mobiliteti për studentët dhe stafin akademik, si dhe duke hapur perspektiva për projekte konkrete në funksion të zhvillimit të qëndrueshëm të turizmit në Shqipëri. #UNISHK #FEUNISHK #ErasmusPlus #TourismDepartment #SaxionUniversity #HospitalityBusinessSchool #SustainableTourism #InternationalCooperation #AcademicMobility #TourismEducation #Shkoder #Netherlands #HigherEducation #ResearchAndInnovation 🌍📖✈️🇦🇱🇪🇺