Post by Tasneem Al-Hakim

بعد غياب طويييل.... راجعة احكيلكم عن تجربة غريبة بس بنفس الوقت حلوة كتير. من فترة، كانت المسابقة التأهيلية لمسابقة البرمجة التنافسية (DCPC)، وبصراحة من وقت ما سجلنا بالمسابقة ونحنا ما منعرف إذا حنروح ونشارك فعلياً أو لا, لأنو ما كنا مجهزين حالنا أبداً بسبب ضغط المشاريع والتعب المتراكم, بس سجلنا "مشان ما نندم"، واخترنا لفريقنا اسم (Test and Taste). المفاجأة إنو قرار المشاركة أخدناه يوم الجمعة الصبح حرفياً، وقررنا ننزل مو بهدف تحقيق نتيجة معينة، بل لنعيش التجربة ونشوف الأجواء عن قرب, ويمكن لهالسبب كانت التجربة مميزة فعلاً. دخلنا بدون توقعات كبيرة، فكان في مساحة أكبر للاستمتاع، والتعلّم، وخوض التجربة بكل تفاصيلها بعيداً عن التوتر المعتاد. ورغم التعب وقلة التحضير، ما رح أندم أبداً على قرار المشاركة. بالعكس، كانت تجربة جميلة ودفعة حلوة إلنا رجعتلنا الحماس حتى نشتغل على حالنا أكتر وبشكل جدّي للمشاركة السنة الجاية، حتى لو كانت سنة التخرج. وأكتر شي تعلمتو أنو مو كل خطوة لازم تكون بعد تحضير مثالي، أحياناً مجرد إنك تعطي حالك فرصة وتجرب بكون أهم من النتيجة نفسها, وتجربتنا أنا وفريقي الطموح Amjad Hamoda Abeer Al Otri أكبر دليل على هالشي 🤍. وبالنهاية، لازم نذكر أهم إنجاز باليوم كله: أكلنا شاورما. 🌯✨ DCPC - Damascus Collegiate Programming Contest #DCPC #CompetitiveProgramming  #Programming  #ProblemSolving