Post by Tarek Gamal El-Sehrawy

1️⃣ أكبر استثمار عملته في بداية الCareer بتاعي مكانش كورس..كان طريقة تعاملي مع الناس💰 " الاستثمار مش بس فلوس🤝" وأنا في الكلية كنت شغال في صيدلية، وقتها كان نفسي أدخل صيدلة، لكن ربنا كرمني بكلية علوم، واللي كانت افضل ليا بكتير جدا الحمدلله، بس كنت بحب شغل الصيدلية جدًا، وبحب أتعلم، كنت شاطر ولما بدأت أتدرب اتقالي إن فترة التدريب هتبقى 3 شهور، أخدت أول مرتب ليا من شغل رسمي بعد 3 أسابيع بس الحمدلله. في الفترة دي كان فيه جزء من الشغل بحبه جدًا، وهو التعامل مع الـ Medical Reps، كنت بستنى الناس دي تيجي، وأسمع منهم وأشوف بيشتغلوا إزاي وكنت شايف نفسي فيهم و كنت بحاول أساعدهم على قد ما أقدر و لما حد يسألني علي Feedback كنت بقوله مظبوط و كامل، مش عشان ده مطلوب مني، لكن عشان كنت حابب أساعد فعلًا، وكان فيه فكرة دايمًا في دماغي.. "يا رب هعمل أفضل حاجة أقدر أعملها عشان لما أبقى مكانهم في يوم من الأيام، ألاقي حد يسهلي شغلي زي ما أنا بحاول أسهل شغلهم دلوقتي."🤲🏻 الناس اللي عرفتها وقتها، والعلاقات اللي بنيتها وأنا مجرد طالب شغال في صيدلية، كانت من الأسباب اللي فتحتلي أبواب كتير بعد كده مش بس إني دخلت المجال، انا كمان ربنا كرمني و اترقيت ، و مازال الناس دي صحابي و زمايلي لحد انهارده وقتها مكنتش بفكر أبني Network، كنت بس بحاول أساعد الناس على قد ما أقدر، ويمكن دي من أكتر الحاجات اللي فرقت معايا بعد كده. إيه أكتر حاجة عملتها في بداية شغلك، واكتشفت بعد سنين إنها أثرت في مسارك المهني؟