Post by Simple Smart Systems

Танишинг, tadbircore.uz - Ўзбекистонда бизнесни кредитлашнинг янги рақамли стандарти. Кичик ва ўрта бизнес, шунингдек, якка тартибдаги тадбиркорлар (ЯТТ) мамлакатимиз иқтисодиётининг пойдевори ҳисобланади. Бироқ, улар учун молиявий ресурслардан фойдаланиш кўпинча бюрократия, ҳужжатбозлик ва узоқ кутишларга боғланиб қолаётгани сир эмас. Биз, Simple Smart Systems жамоаси, айнан шу ҳолатни ўзгартириш учун иш бошладик. Бизнинг биринчи йирик маҳсулотимиз — tadbircore.uz порталидир. Бу бизнес ва банклар ўртасидаги ҳамкорлик жараёнини тўлиқ рақамли форматга ўтказишга хизмат қилувчи мустақил кредит маркетплейсидир. Бу тадбиркор учун айни дамда қандай ишлайди? Минимал бюрократия: Ариза топшириш бор-йўғи 10–15 дақиқа вақт олади. Биз жараённи максимал даражада автоматлаштирдик — платформа керакли ҳужжатлар ва тасдиқларни ташқи тизимлардан ўзи мустақил равишда сўраб олади. Давлат хизматлари билан интеграция: Тизим Солиқ қўмитаси, КАТМ ва бошқа маълумотлар базалари билан интеграция қилинган. Тадбиркорнинг ўзи қўлда маълумотнома йиғиб юриши шарт эмас. Ҳақиқий танлов имконияти: Тизимда ҳозирданоқ 16 та ҳамкор банк фаол ишламоқда, қолганлари эса уланиш жараёнида. Бизнес битта ариза юборади ва банклардан танлов асосида таклифлар олади. Қарор қабул қилиш тезлиги: Пилот босқичида банкдан якуний таклифни олишнинг максимал муддати атиги 3 кунни ташкил этади. Кейинги қадамлар қандай? Ҳозирда портал очиқ пилот режимида ишга туширилган ва мамлакатимиздаги барча тадбиркорлар учун очиқ. Айни пайтда тизим риск-факторлар асосида ишламоқда, аммо йил якунига қадар биз иккинчи босқични — AI/ML (сунъий интеллект ва машинавий ўқитиш) технологияларига асосланган шахсий юқори аниқликдаги скоринг моделимизни ишга туширамиз. Мақсадимиз — бизнес учун кредит олиш жараёни худди такси буюртма қилишдек оддий бўлган шаффоф миллий финтех-инфратузилмани барпо этишдир. Янгиликларимизни кузатиб боринг! #fintech #Uzbekistan #tadbircore #SME #banking #digitaltransformation #SimpleSmartSystems