Post by Shahd Abd ELMajed Ammar, CPTD®

من فترة كنت في Camp، وكان فيه Talk صغيرة عن الـ AI. وكالعادة، أول سؤال اتسأل: "هو الـ AI هيستبدلنا؟" كنت متوقعة الإجابة المعتادة: "اللي مش هيتعلم AI هو اللي هيتستبدل." بس اللي اتقال وقتها كان مختلف شوية. الفكرة ما كانتش إن الـ AI هيستبدل الناس اللي مش بتستخدمه. كانت إن الـ AI هيستبدل الناس اللي فقدت مهاراتها أصلًا. الناس اللي بقت بتعتمد على الأدوات أكتر ما بتعتمد على فهمها. الناس اللي بطلت تمرّن عضلة التفكير والتحليل والكتابة وحل المشاكل. الناس اللي المهارة عندها ما بقتش جزء من شخصيتها المهنية. لأن الحقيقة إن أخطر حاجة مش إن فيه أداة بتعمل الشغل أسرع منك. أخطر حاجة إنك مع الوقت تنسى إنت كنت بتعمل الشغل ده إزاي. كمان لو معندكش مرجعية علمية أو خبرة حقيقية، هتواجه مشكلة أكبر. لأنك ببساطة مش هتعرف تحكم: هل النتيجة دي صح؟ ولا شكلها بس مقنع؟ الـ AI ممكن يديك إجابة. لكن مش هيقدر يديك الحكم على الإجابة. وده الفرق كله. عشان كده كل ما الأدوات بتتطور، كل ما ببقى مقتنعة أكتر إن: "المهارات أولًا." قبل تعلم الـ AI. وقبل استخدام الـ AI. وقبل الاعتماد على الـ AI. لأن المهارة هي اللي بتخليك تعرف تستخدم الأداة، مش الأداة هي اللي بتديك المهارة. وكمان كقادة أو Managers أو أي حد مسؤول عن تطوير ناس شغالة معاه، مهم نفتكر إن دورنا مش بس نعلم الناس تستخدم أدوات أحدث. دورنا كمان إننا نحافظ على عضلات التفكير والفهم والتحليل شغالة طول الوقت. لأن في الآخر... الـ AI مش هيستبدل الشخص اللي بيستخدمه. الـ AI هيستبدل الشخص اللي بطل يفكر من غيره. #AI #QualityOfLearning #وجهات_نظر_ش