Post by Shady Kotb

الصور دي لمطعم ESCA Playa في Playa Ghazala اللي كانت جزء من إعلانه انه فتح الصيف دا من 26 مايو بس انا حابب اتطرق لفكرة تصميم المبني اللي معمولة كأن المشروع جزء من الطبيعة نفسها، مش مبنى متحط على البحر وخلاص. المعماري اعتمد على طبيعة الساحل ، يعني الرياح، الضوء، والمد والجزر كانوا عناصر أساسية بتكوّن شكل المشروع اللي اتكون كأنه نحت طبيعي بسبب العوامل دي وعشان المشروع عبارة عن مطعم علي البحر، فكان لازم التصميم يطلع بشكل organic كأنه طالع من الأرض بشكل طبيعي.علشان كده هتلاقي الخطوط منحنية والانسيابية واضحة جدًا، واستخدام اللون الحجري وتداخل الأخضر معاه وكأن الكتلة المعمارية بتتحرك مع الطبيعة حواليها. الهوية المعمارية للمشروع قائمة على الـ biomorphic architecture، يعني تصميم مستوحى من تكوينات طبيعة الشرح من كلام المعماري لموقع Arch daily Design by @badie.architects @mohamed.badie Photography @nourelrefai