Post by Sara Seif Ibrahim

فعلاً، يا بخت من علمه و درس له و اشتغل مع د/ Ahmed Tolba .. الحقيقة من ٩ سنين اما دخلت الجامعة، كل الناس كانت بتتكلم عن د/أحمد و إني لازم اخد معاه كورس.. من ساعتها و انا بقول نفسي اتعرف على الشخصية اللي الناس كلها بتتكلم عليها دي.. بعد السنين دي كلها قررت ابعت له اني عايزة اقابله عشان اهديله كتابي الجديد و اتعرف عليه.. الحقيقة قُلت اكيد هيقعد معايا بالكتير نص ساعة و يرجع لمشاغله الكبيرة في الجامعة ( اللي اكيد أهم مني).. المقابلة قعدت ٣ ساعات.. قعدت افكر إزاي رئيس قسم كلية ادارة الاعمال في الجامعة الأمريكية و قاعد معايا ٣ ساعات نتكلم على قصص و حكايات و تجارب في الشغل .. استنتجت حاجة مهمة جدا.. ان اكيد الناس مش بتحب الراجل الجميل دة من فراغ.. بيحبوه عشان بجد بجد بيحترم كل اللي قدامه، كبير أو صغير.. اداني انا شخصياً من وقته ٣ ساعات كاملين من غير ما يعرفني و لا لغرض مهني .. بس من قلبه عايز يشوف الطلبة و المكان اللي هو فيه في احسن صورة.. من قلبه بجد.. و مليون خط تحت كلمة "من قلبه". و طبعاً كم الخبرة و الشغف الموجود، حاجة مرعبة.. ف غير ان القعدة دي علمتني اني دايما اكون متفائلة و اكافح لأني اخلي بلدي و المكان اللي انا فيه احسن.. في ال٣ ساعات دول اتعلمت ان الشغف و اني اعمل كل حاجة بدراسة و بعقلانية ، دة اللي بيخلي اي حاجة تنجح.. ادركت ان الدراسة و التخطيط و الرؤية (في الحياة كلها) ، دة مفتاح النجاح.. ملخص الپوست: ١- التخطيط و الرؤية مفتاح النجاح ٢- الدراسة لأي مشروع أهم حاجة ٣- "من تواضع لله رفعه"، مهما كنت مشغولة و ورايا حاجات مهمة، اني اقعد مع الاصغر مني و اديله وقت و اهتمام و مبخلش عليه بعلم او خبرة ، اجمل صفة في اي حد في الدنيا.. الهمتني اكون شخص احسن بجد يا دكتور أحمد.. شكراً لكونك كل ما هو حضرتك.. No wonder why every student who passed your way adored you and admired you beyond words. Honored by knowing you and thankful for your precious time..