Post by Samèh Maizi 🇹🇳

بين البارح و اليوم جاوني برشا أسئلة بخصوص انواع les formations اللي ينجم اي حد يعملهم و يقويولو ف CV.. مع اني ضد كلمة يقويولو ف ال CV خاطر حسب رائي القوة ف التطور على مستوى الفكري و على مستوى الشخصية و التخطيط و تحديد الأهداف و Tout ce qu'est gestion. فما نوعين م التدريبات.. Formation technique Et formation non technique يعني النوع الأول هو كل ما يخص مجال دراستك او مهنتك و هاذم تلقاهم و يتوفرو اما في الجامعة.. ف مقر العمل أو مع des centres spécialisés dans les domaines précis. النوع الثاني و بالنسبة ليا اهم.. هوما les formations non techniques و كيما نقولولهم les formations Soft skills و اللي تلقاهم اما متوفرين دايما في الجمعيات كيفاش؟ 🤔 وقت تنخرط مع الجمعيات و على سبيل المثال jci.. Injez.. وقتها تنجم تتمتع ب تدريبات قيمة و مفيدة عللخر كيفما زادا تنجم تتلقى تدريبات م الكشافة.. و سوء حضي ما كنتش مع الكشفية و أضعف الإيمان نجمو نتبعو التدريبات من ال YouTube او مواقع التدريبات المجانية اي شنوه هوما هالتدريبات هاذم.. نذكرو مثلا Leadership.. كيفاش تكون قائد.. صاحب قرار.. كيفاش تتعامل مع المجموعة و تكون سند و دافع لغيرك باش ينجح gestion du temps مثلا.. كيفاش تتحكم و تقسم وقتك حسب الأولويات Technique de communication واللي نسبة 67٪ من الناس صعيب ياخذو الكلمة قدام الناس و يوثلو فكرتهم و يوصلو يقنعو بيها اصلا Gestion des projets.. Project management مش بش نحكي عليه برشا thème هذا بش نخليكم تدخلو ل بروفايل اهل الاختصاص و تفهمو قيمة التدريبات و لهنا نذكرو السيد Ahmed Ben Hamouda PMP®, SMC™, SPOC™, ITIL®, SAFe 5 Agilist® تبعو les postes متاعو و تواصلو معاه في اي فرصة تدريب. يقول القايل اي فاش بش يفيدوني هاذم.. يفيدوك اخي اختي الأعزاء.. في انك تكون احسن بروفيل بالنسبة المشغلين و يخليو تفكيرك و تحديد أهدافك منظمين و كيما نعرفو اذا نجمت تخطط ل أهدافك بدقة و ترتيب توصل للي خططتلو ف اقصر وقت و بأقل اضرار او أخطاء يخليوك تكون انسان ناجح في مجال مهنتك او دراستك.. التدريبات هاذم على قد ما تعملهم على قد ما تستفاد و مستواك يطلع. اي استفسار انا على ذمتكم بخبرتي البسيطة بعض الصور من مشاركتي في تدريبات Les soft skills ك مشاركة و مدربة