Post by Salsabil Zowail

من فترة قريبة أخدت قرار إن عمري ما هجاوب علي سؤال ال Expected Salary في أي إنترفيو و لا هكتب إجابة السؤال ده في أي form بملاها، عارفين ليه ؟؟؟؟؟ لأن ببساطة الهدف من السؤال ده مش إن يعرف تقييمك لخبرتك ولا سعرك في الماركيت ، خبرتك مكتوبة قدامه في ال C.V و باينة في أكونت لينكدان اللي هو دخل عليه قبل الإنترفيو ، الهدف من السؤال ده إنه يعرف إنت هيناسبك ال budget المحطوطة لل Position ده ولا لا. لأن نسبة كبيرة جدا من الشركات بتحدد الميزانية للمرتب قبل ما تحدد مين الشخص المناسب للوظيفة. فقررت إن ردي ع السؤال ده ( الأفضل أعرف ال offer المتاح الأول وبعدين نتناقش فيه إذا كان مناسب ليا) الرد ده بيعفيني من حرج اني أقول رقم أقل من خبرتي و ده هيكون ظلم ليا ، أو رقم أعلي من ميزانيتهم يخليهم يستبعدوني حتي لو أنا qualified للوظيفة