Post by Sally ElAkkad

😇Ressentiment – الغيرة المقنّعة في صورة نقد في اجتماع التقييم السنوي، الفريق بيشيد بزميلة اسمها “تينا” 👏🏻 لأنها كسرت الأرقام وخلّت العميل يمدّد العقد. الكل بيصفّق… إلا زميل بيقول بابتسامة باردة: > “هي شاطرة آه، بس أسلوبها اندفاعي ومش احترافي قوي!”👀😡 الجملة شكلها بريئة… بس الحقيقة إنها مش نقد، دي غيرة لابسة بدلة نُضج! الفيلسوف نيتشه (Nietzsche) سمّى ده Ressentiment — مش الغيرة العادية، لكن الغيرة اللي مش قادر تعترف بيها، فتحوّلها لنقد أخلاقي أو استعلاء هادي. تبقى عايز تقلّل من غيرك علشان تحس إنك متفوّق… ولو بالكلام! ⚠️ في الشغل، النوع ده سام جدًا. يستخبى ورا كلمات “منطقية” لكن هدفه الحقيقي يهدّ الثقة في اللي ناجح. وده يقتل روح الفريق أسرع من أي خطأ إداري! (Nietzsche, On the Genealogy of Morality, 1887) إنت قابلت الشخص اللي بينتقد “بحِكمة” بس كلامه كله سمّ؟ ☠️ ولا ساعات بتلاقي نفسك بتعمل كده من غير قصد؟🤔😳