Post by Rima Walaa

يا عزيزتي.. عارفة إن فقدان الأب من أصعب أنواع الفقد... لأنني مررت بنفس التجربه مع اختلاف بعض التفاصيل. وعارفة إن الوجع مش بس في غيابه، لكن كمان في اكتشاف ناس كتير اتغيرت بعده. يمكن كنتِ فاكرة إنهم سند... ولما السند البشري غاب، ظهرت لك الحقيقة. بس اسمحيلي أقولك حاجة مهمة: والدك كان سبب من أسباب الأمان في حياتك...لكن ربنا هو مصدر الأمان نفسه. الناس ممكن تتغير... والقلوب ممكن تتبدل... والسند البشري ممكن يضعف أو يختفي... لكن ربنا لا بيغيب، ولا بيتخلى، ولا بيخذل. كل مرة تحسي إنك لوحدك، افتكري إن اللي حفظك طول السنين اللي فاتت مش الأشخاص... الحافظ هو ربنا. ويمكن من أصعب الدروس بعد الفقد إننا ندرك إن اتكالنا الحقيقي لازم يكون على الله. رحم الله أباكِ...وجبر قلبكِ... وعوضكِ عن كل خذلان رأيتيه بعده، وأراكي من لطفه ما يجعلكِ توقنين أن السند الحقيقي كان وما زال هو الله. 🤍 #من_وحي_الجلسات #الاب #الفقد #عيش_بوعي #ريما_ولاء #consciousness #coachingwithrima #lifejourney #lifemastery #mindphoria #rima_walaa