Post by Rewan Wael
Machine Learning Engineer | Artificial Intelligence Graduate | Data Analyst | Flutter Developer
تخيل معايا... إنك شايف كل اللي حواليك، سامع كل كلمة بتتقال، وعقلك واعي ومدرك لكل حاجة بتحصل... لكن فقدت صوتك وحركتك. مش قادر تقول "أنا محتاج مساعدة"، أو "أنا تعبان"، أو حتى تنادي على حد من أهلك. الوسيلة الوحيدة اللي فاضلة ليك علشان تتواصل مع العالم هي عينيك. للأسف، ده واقع بيعيشه كتير من مرضى الشلل الكامل، ومرضى ALS، وحالات الـ Locked-in Syndrome. ومن هنا بدأت فكرة مشروعنا GazeSpeak 💙 مشروع بيمكن المرضى من التواصل باستخدام حركة العين فقط ومن خلال كاميرا عادية، بدون الحاجة لأجهزة متخصصة مرتفعة التكلفة. من خلال تتبع حركة العين وإجراء Calibration مخصصة لكل مستخدم، يقدر المريض اختيار الكلمات بمجرد النظر إليها، ثم تأكيد اختياره بالرمش أو بتثبيت النظر عليها لثوانٍ معدودة. كما يستطيع إغلاق النظام بمجرد إغلاق عينيه لمدة 3 ثوانٍ، وإعادة تشغيله بنفس الطريقة دون الحاجة إلى أي مساعدة خارجية. ولأن التواصل السريع مهم، النظام مش بس بينطق الرسالة بصوت مسموع، لكنه كمان بيبعت إشعار فوري على موبايل الممرض أو مقدم الرعاية علشان يعرف احتياجات المريض في نفس اللحظة. بالنسبة لنا، GazeSpeak مش مجرد مشروع تخرج... هو محاولة إننا ندي صوت لناس فقدوا القدرة على الكلام والحركه ، ونساعدهم يستعيدوا جزء من استقلاليتهم وكرامتهم. كما يتماشى المشروع مع رؤية مصر 2030 من خلال توظيف الذكاء الاصطناعي في الرعاية الصحية ودعم التحول الرقمي وتطوير حلول تكنولوجية أكثر إتاحة للجميع. ❤️ فخورة جدًا بالرحلة دي وبفريقي الرائع: Toqa Elbakhshwangy Wesam Eldeeb Aya Elsayed شكرًا على المجهود، والشغف، والتعاون، وكل لحظة تعب كانت سبب في إن الفكرة دي تبقى حقيقة. وشكر خاص لـبشمهندس Antonios Malak على دعمه وتشجيعه المستمر طول الرحلة. وشكر لدكتور Engy Abd El Azim على حضورها وملاحظاتها المشجعة أثناء المناقشة، وسعدنا كثيرًا بوجودها ومشاركتها هذه اللحظة المهمة معنا. وأخيرًا، كل الشكر والتقدير لأعضاء لجنة المناقشة على وقتهم وملاحظاتهم القيمة. Dr. Mohamed Badawi Sherif Salem Amr Gouda Eng. El-Hassan Hamed Alam EL-Din Eng. Ahmed Attia Eng. Mohamed Amr 📅 17/06/2026 كان يوم مناقشةمشروع التخرج الخاص بمبادرة Digilians - الرواد الرقميون بالتعاون مع الأكاديمية العسكرية المصرية، وكان واحد من أكتر الأيام اللي هفضل فاكراها بفخر وامتنان. GazeSpeak مش مجرد مشروع تخرج... GazeSpeak صوت لناس فقدوا صوتهم. 💙 #GraduationProject #ArtificialIntelligence #HealthcareAI #AssistiveTechnology #ComputerVision #DeepLearning #EyeTracking #Accessibility #DigitalHealth #MachineLearning #AIForGood #Innovation #HumanCenteredAI #GazeTracking #SmartHealthcare #DigitalTransformation #Egypt2030 #FutureOfAI #TechForGood
Video Content