Post by Reham Abdalla

الموقف ده حصل مع والدي وهو عميل في بنك CIB Egyptامبارح حوالي الساعة ٧ وتلت المغرب جاله مسدج علي الواتس اب هحط صورتها تحت وللأسف والدي بحسن نية ضغط علي اللينك الموجود وفي ثواني جاله مسدج انه تحويل مبلغ كبير من حسابه لجهة ما يعرفهاش وبسرعة اتصل بال Call center وبلغهم انه مش هو اللي بيحول الأرقام دي وطلب من البنت انها توقف حسابه بسرعة( بالمناسبة هي قالت في المكالمة انها وقفت الفيزا والحساب وكل حاجة ) وعمل شكوى ومعانا رقمها وأثناء المكالمة جاله مسدج تانية بتحويل مبلغ حوالي ٤ أضعاف المبلغ الاولاني علي حساب محفظة اورانج … وفورا نزل عمل محضر ف القسم ومعانا رقم المحضر النهارده الصبح راح البنك وهنا كانت المفاجأة الحساب شغال ومش موقوف زي ما الموظفة قالت وزي ما والدي طلب منها وعمل معاهم مشكلة كبيرة وطلب يطلع كشف حساب بالحركات عشان يروح بيه النيابة العامة الفكرة اننا مش الوحيدين اللي حصل معاهم كده فيه ناس كتير غيرنا والأرقام مهولة!!!! وهنا لازم نسأل القائمين علي إدارة البنك امتي هتحلوا مشاكل العملاء اللي بيتسرق فلوسهم خصوصا ان أعدادهم كتير جدا وامتي هتشوفوا الثغرات اللي ف السيستم تحلوها انتم مؤسسة كبيرة مش صغيره !! ويعني ايه موظفة يتطلب منها توقف الحساب تروح توقف الفيزا وتسيب الحساب مفتوح برغم علمها ان الحساب بيتسرق !! Hisham Ezz Al-Arab CIB Egypt