Post by rasha ahmed

﴿يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ﴾ 🤍 أوقات كتير بيكون توفيق ربنا مش في النتيجة بس... بيكون في الأشخاص اللي بيحطهم في طريقك. ومن أعظم صور التوفيق في رحلتنا الجامعية، كان اختيار تيم مشروع التخرج. بدأنا الرحلة كفريق هدفه إنه ينجز مشروع تخرج، لكن مع الوقت والتحديات، اكتشفنا إن اللي بينا أكبر من مجرد مشروع... كان شغل حقيقي، تعاون، ودعم متبادل في كل خطوة. وبفضل الله، قدرنا نحقق المركز الأول على مستوى مشاريع التخرج، ونحصل على الـ Full Mark في المشروع. لكن بالنسبة لينا، الإنجاز الحقيقي ما كانش في الرقم أو الترتيب، قد ما كان في الرحلة نفسها، وفي الناس اللي كنا بنشتغل معاهم بإيمان وحماس واحد. ومش هنا نهاية القصة... قررنا إن مشروعنا Rahhal ما يكونش مجرد مشروع تخرج، لكنه بداية لفكرة أكبر، وهنكمل تطويره بإذن الله لحد ما يتحول إلى منتج حقيقي وشركة ناشئة. إيه هو Rahhal؟ Rahhal هو منصة اجتماعية لعشاق السفر، بتجمع بين قوة المجتمع والذكاء الاصطناعي علشان تخلي تجربة السفر أسهل، أذكى، وأمتع. من أهم مميزاته: • تخطيط رحلات بالذكاء الاصطناعي حسب الميزانية والاهتمامات • اقتراح وجهات وأنشطة مناسبة لكل مستخدم • مشاركة التجارب والرحلات مع الآخرين • بناء مجتمع للمسافرين لتبادل الخبرات • إمكانية تكوين رحلات جماعية مع أشخاص بنفس الاهتمامات ولسه دي البداية... إحنا حاليًا بنبدأ خطوة جديدة وهي بناء مجتمع Rahhal، وهنكون مبسوطين جدًا لو دخلتوا جربتوا المنصة وشاركتوا تجاربكم، صوركم، وسفرياتكم وخروجاتكم على رحال سوشيال ميديا ☝️. تقدرو تجربو رحال من هنا ❤️ https://lnkd.in/e-B5_UbR كل مشاركة وكل تجربة هتفرق معانا وهتساعدنا نطور الفكرة بشكل أقوى وأقرب للواقع. وفي النهاية... شكرًا لل team اللى بدأت وهتكمل بيه الرحلة🤍 Ahmed Belal rasha ahmed Mai Atef Mahmoud Abderazek Abd El-Rahim Saad Yasmin Tharwat Abdelrahman Mohamed Hanan Eldaly Mohamed Abdelnaser Reem Mohamed كل شخص في الفريق كان جزء أساسي من الرحلة، وسبب في كل خطوة وصلنا لها. وإحنا مؤمنين إن دي لسه البداية... وإن اللي جاي أكبر بكتير بإذن الله Rahhal... مشروع بدأ كفكرة تخرج، لكن بيكبر كل يوم ليكون حلم حقيقي بإذن الله #Rahhal #GraduationProject #Teamwork #Startup #TravelTech #AI #ComputerScience #Engineering #Egypt