Post by Omar Taha

الحمد لله، فخور جداً إني شاركت مع التيم بتاعي في Tech Nation Hackathon، وكانت من أكتر التجارب اللي استفدت منها على المستويين الشخصي والمهني. على مدار 3 أيام، اشتغلنا على تطوير فكرتنا مش بس من الناحية التقنية، لكن كمان كـ Startup ليها فرصة حقيقية تنزل السوق. كان عندنا جلسات Mentoring مع ناس عندها خبرة كبيرة، ساعدتنا نطور الفكرة ونشوفها بمنظور مختلف. من أكتر الحاجات اللي فرقت معايا إنهم شجعونا ننزل نتكلم مع عملاء حقيقيين، ونتأكد إن المشكلة اللي بنحلها موجودة فعلًا، وهل الناس مستعدة تستخدم المنتج وتدفع مقابله. التجربة دي علمتني إن نجاح أي منتج مش بيعتمد على الكود بس، لكن على فهم العميل والسوق قبل أي حاجة. الحمد لله، قدرنا نكون ضمن أفضل 5 فرق في الهاكاثون، وحصلنا على جائزة وتمويل (Fund) يساعدنا نكمل تطوير فكرتنا ونحولها لستارت أب حقيقية. ودي كانت لحظة مميزة جدًا بالنسبة لينا، ونتيجة للمجهود الكبير اللي كل فرد في التيم بذله. حابب أشكر كل أفراد التيم على تعبهم وروح التعاون اللي كانت موجودة طول الهاكاثون، وفخور جدًا إني كنت جزء من الفريق ده. ❤️ Abdulrahman Osama, Ahmed Hamdy, Nour Elden Mahmoud, Nourhan Gamil, Martina Mamdouh, MANAR AHMED MOHAMED وحابب اوجه الشكر لمعهد iti علي تشجعيهم وتوجيهم لينا طول الفتره اللي فاتت ودا اللي ساعدنا نحقق كل اللي وصلناله Ayman Ayad, Ahmed Mamdoh وفي الآخر، كل الشكر لـ مؤسسة أثر على التنظيم والاستضافة الرائعة، ولكل فريق العمل اللي كان موجود معانا طول الـ3 أيام، والشكر أيضًا لـ Plan International Egypt على دعمهم وتقديم الجوائز والتمويل، ولكل الـ Mentors اللي شاركونا خبراتهم وساعدونا نوصل للمرحلة دي. دي كانت مجرد البداية، وإن شاء الله اللي جاي يكون أكبر. 🥰♥