Post by Omar Mahmoud

السلام عليكم يا أهل لينكدأن انا شاب طالب فحقوق بس بحب البرمجة وبتعلمها بقالي ما يقارب السنة وبستمتع بيها ويمكن اكتر وقت بيكون مريح بالنسبالي هو الهدوء بتاع التفكير في حل وكتابة الكود. ف المهم انا بقالي تلت شهور ببني فمشروع اسمه سكون المشروع ده كان هدفه ان اطبق علي كل حاجة اتعلمتها وفنفس الوقت اتعلم حاجات تانية بس من خلال التطبيق مش مجرد اني حاطط فالرودماب بتاعتي ان التوبيك الفلاني هتعلمه واخد فيه كورس وخلاص ولكن عاوز اشوف التوبيك ده ممكن يفيدني ازاي في تطبيق فكرتي ؟ الفكرة جت لما كنت بستخدم ticktick بشكل يومي ووصلت اني متحاج استخدم النسخة ال premium عشان اضيف تاسكات في سيشنز لعدد معين ف قولت ليه لاء اعمل حاجة زيه بس لاستخدامي الشخصي وهتعلم فيه كتير ؟ وقد كان وحاليا هو طلع للنور واهم تلت مميزات فيه النسخة الحالية هما : 1. صفحة ادارة التاسكات باضافة ان فيه count down live للصلاة القادمة وفيه نوتيفيكيشن قبل الصلاة بخمس دقايق ووقت الصلاة , كمان فيه آية قرآنية جديدة كل يوم بتبقي قدامك فالصفحة. 2. انا واحد اوفر ثينكر جدا ودماغي فيها قرد ف جاتلي فكرة ان يكون فيه مساحة ان اطلع الافكار الكتير الي فدماغي واروح اكمل الي بعمله , الي بيحصل بعد كدا ان ال AI بياخد كل الي كتبته وبيبعتلك آية قرآنية بعد ما فيهم حالتك من الي انت كاتبته. 3. البومودورو تايمر تقدر تضيف تاسكات براحتك وتربطهم بالسيشنز وتقدر تشوف تقدمك والوقت الي قعدته فكل تاسك وكل يوم بليل بيحصل clear لتاسكات اليوم لان بدانا يوم جديد. طبعا فيه تفاصيل تقنية كتير كاتبها كلها في github : https://lnkd.in/djzJXFWy وحاليا سكون لايف تقدر تستخدمه وتقولي تجربتك : https://lnkd.in/dcvNMjvA