Post by Omar Farag

حابب أنبّه أي حد بيدوّر على شغل من أسلوب بدأ يظهر الفترة دي. تواصل معايا شخص بخصوص فرصة عمل، وبعد ما راجع الـ CV قال إن البروفايل عندي “below ATS threshold” وإن فيه “internal recruiter benchmarking software” مطلعلي Score ضعيف. وبعدها حاول يوجهني للتواصل مع شخص آخر لتعديل الـ CV علشان “أعدّي” مرحلة الفلترة. لما طلبت منه توضيح رسمي أو Screenshot من نظام ATS حقيقي، بعت صورة شكلها واضح إنها تقرير AI/Chatbot مش تقرير ATS رسمي. ولما واجهته إن التقرير غير موثوق، قام بعمل Block. خلوا بالكم من أي حد يستخدم ضغط الوقت، أو يقولكم إنكم محتاجين تدفعوا أو تتواصلوا مع شخص معين علشان تعدّوا ATS، خصوصًا لو مفيش شركة واضحة، مفيش Job Description رسمي، ومفيش Email من دومين الشركة. الـ ATS الحقيقي غالبًا بيعمل parsing وkeyword matching داخليًا، لكن مش بيطلع تقارير تسويقية بالشكل ده للمرشحين. ربنا يرزق الجميع فرص محترمة، بس مهم نكون واعيين ونحمي بعض من الأساليب دي. استقيموا يرحمكم الله !