Post by Nover _Farid

رحلتي بدأت بـ 93% في الشهادة الإعدادية وساعتها كان قدامي الطريق التقليدي زي أي حد ثانوية عامة أو STEM 🎓 لكن أنا مكنتش حابب الطريق ده ومكنتش شايف نفسي فيه. فبدأت أدور على بديل مختلف ولقيت مدرسة WE بالإسكندرية عن طريق مواقع التواصل 👀 القرار ماكانش سهل خالص على أهلي في الأول ماكانوش مقتنعين بالمدرسة والمجتمع حواليا كان شايفه اختيار “غريب” لكن أنا كنت شايف فرصة مش واضحة لغيري وأول ما دخلت حسيت إني كنت صح 💡 لأن فعلاً لقيت فرصة إني أتعلم بجد وأجرب وأغلط وأقوم تاني. بداية الرحلة كانت في كامب سنة أولى ودي كانت أول مرة أحس إني خرجت من دايرة الراحة بتاعتي 🚪 لانه مكان جديد، ناس جديدة، ونظام مختلف تمامًا. كنت متوتر ومش فاهم أنا داخل على إيه، لكن اللي فرق فعلًا هو دعم المدرسين لينا وإحساس إن كل ده طبيعي. ومع الوقت بدأت أندمج وأكون صداقات وبقى في بينا ذكريات كتير 🤍 لكن الحقيقة إن أصعب حاجة واجهتني كانت إني أقف وأتكلم قدام الناس 🎤 كنت دايمًا بحب أشتغل من ورا الكواليس أعمل كل حاجة بس من غير ما أظهر فى الصورة. الـ Presentation كان بالنسبالي كابوس بالمعني الحرفي 😅 وأول مرة وقفت أقدم رغم إني كنت محضر كويس جدًا… اتلخبطت ومقدرتش أكمل بس و معملتش حاجة غير إني أضحك بس. ساعتها حسيت إن الموضوع مش ليا… لكن ده كان أكبر غلط كنت فاكره. لأن بعدها لقيت دعم حقيقي من صحابي و من المدرسين التحول الأحترافي ‏Youssef emad‏ 🤝 طارق حسن 🤝 و ‏Myrose Etman‏ 🤍 و ‏Karim El Sisi‏ كانوا دايمًا بيشجعوني أرجع أحاول خطوة خطوة لحد ما بدأت أفهم إن الثقة بالنفس مهارة بتتبني مش حاجة بتتولد. ومع الوقت بدأت أشارك في مسابقات وتجارب مختلفة 💪 لحد ما وصلت إني أقدم Presentation باسم المدرسة في سنترال WE وده كان تحول كبير جدًا بالنسبة لي…من شخص بيخاف يتكلم لشخص بيعبر عن نفسه بثقة ✨ بعدها جت تجربة القادة، وكانت من أهم الحاجات اللي كنت بحلم بيها من بدري 🏆 والتجربة دي أضافتلي كتير على مستوى المسؤولية والشخصية وخلتني أشوف نسخة تانية مني مكنتش واخد بالي منها. وفي سنة تانية شاركت في Leader Camp 🚀 وبقيت Leader (قائد) ، وساهمت في تنظيم اليومChampions Leaders، وكانت تجربة مختلفة تمامًا إني أكون جزء من صناعة تجربة لغيري. ومع بداية السنة التانية بدأت أشارك في مسابقات زي ISEF 🧠 وكل تجربة كانت بتأكدلي إني ماشي في الطريق الصح. اختيار التخصص كان خطوة مهمة جدًا بالنسبة لي 🎯 كنت محتار بين البرمجة والشبكات، بس انا اخترت Network & Cybersecurity 💻 وبدأت أحس إني مش بس بذاكر… أنا ببني حاجة ليها معنى و حاجة بجد انا حاببها شكر كبير للمهندس ‏Omar Moamen Ahmed‏ ENG ‏Alaa Muhammed‏ ENG لأنهم كانوا سبب كبير في حبي وفهمي للتخصص و دائماً كانوا بيساعدوني كيتير جداً النهاردة وأنا ببص للوراء… شايف قد إيه أنا اتغيرت 🔥 من شخص بيخاف يتكلم قدام الناس لشخص بيقود وبيمثل وبيشارك وبينافس. والأهم إن الرحلة دي لسه مكملة 🚀 #الكنز_فى_الرحلة #مش_وصول_دي_تحول #شكرا_مدارس_WE #WE_Alexandria