Post by Nourhan Muhammed

#ذكريات_سنة_أولى_تسويق👀 من أكتر الحاجات اللي اتغيرت فيا خلال السنة دي… إني بقيت أقل خوفًا وأنا بتكلم. أنا بطبيعتي كنت بتجنب أي صدام أو مواجهة، حتى لو عندي كلام كتير عايزة أقوله. لكن واحدة من أهم الحاجات اللي اتعلمتها فعلًا هي إني أواجه، أتكلم، وأدخل مواقف جديدة حتى لو مرعوبة من جوايا 😅 ومن المواقف اللي عمري ما هنساها… كان عندي Project لحفلة تسويقية خاصة بأحد مؤلفينا الأعزاء، وأنا وقتها كنت موجودة للتنظيم والتسويق فقط. وفجأة يقرر مخرجنا الشاطر Mohamed Hamed يعمل نفسه تعبان ومش هيعرف يسأل الضيف… ويسيبني أنا أعمل الحوار لأول مرة تمامًا وبدون أي تحضير 😂 واضح إنه كان شايف فيا حاجة أنا نفسي مكنتش شايفاها وقتها. رغم إن شكلي كان هادي جدًا، لكن الحقيقة إني كنت مرعوبة حرفيًا 😅 بس الحمد لله ردود الفعل على الأسئلة وطريقة الحوار وقتها كانت لطيفة جدًا، وده فرق معايا جدًا 🤍 رابط الفيديو 🙈 https://lnkd.in/dTr_KhJ9 بعدها اتحمست أكتر للفكرة، واقترحت إني أعمل حوار مع أ. معتز صقر… ومن وقتها اكتشفت إني بحب النوع ده جدًا من الحوارات 😂🤍 رابط الفيديو 🙈 https://lnkd.in/dtSxJePS (ومش بس كدا… في لقاءات كتير بينا هتلاقوها على البيدج 😌✌🏻) وموضوع الجرأة مكملش لحد هنا بس 😅 دا أنا اتشجعت كمان وطلعت في Podcast مع م. محمد جمال مؤسس كُتُبنا. Mohammad Gamal ... وبالمناسبة… دا رابط الحلقة بتاعتي 🙈🤍 https://lnkd.in/dDW2V_aM النقطة دي خلتني أبقى أهدى في التعامل، أعرف أتعامل، ومخافش إني أكلم أي حد لأول مرة. واضح إني كل ما بخاف من خطوة… بكتشف إنها كانت مستنياني من زمان 😅🤍 شكلي هزود في أهدافي اللي هتسحلني… وأعمل برنامج إذاعي بقى 😌🎙️