Post by Nisreen Almadi

كل مرة بشتغل مع شباب بالمراحل الأولى من أي مشروع بتأكد أكتر إن دورنا مو نعطي أجوبة جاهزة وإنما نساعدهم يطرحوا الأسئلة الصح من البداية من أكتر الأشياء اللي بحبها بالشغل مع الفرق الناشئة هي المرحلة اللي تسبق كل شيء... قبل النموذج الأولي، قبل البرمجة، وقبل حتى اختيار الفكرة... خلال جلستي الافتتاحية لـ"معسكر صُنّاع الرقمي" مع مؤسسة سند الشباب الجلسة حكينا عن اكتشاف المشكلات وبناء الفرق، ما كان الهدف إن كل فريق يطلع بأفضل فكرة، وإنما يطلع وهو عارف كيف يفكر بطريقة مختلفة. ناقشنا الفرق بين المشكلة والأعراض، وليش أحياناً منقضي أسابيع عم نبني حل للسؤال الخطأ، وكيف ممكن يتشكل الفريق بأكثر من طريقة؛ حول فكرة، أو حول أشخاص، أو مهارات بتكمل بعضها 🤝 شاركت جزء من رحلتنا في SiVo - اللي كانت أول تجربة الي بتأسيس شركة ناشئة - لأن أسهل شي هو نحكي عن النظريات، لكن اللي بيبقى بالذاكرة هو التجربة الحقيقية بقراراتها وتغييراتها والدروس اللي تعلمناها ونحن عم نبني أكثر شيء كان يهمني هو إن المشاركين يطلعوا من دائرة الأشخاص اللي بيعرفوهم ويعطوا حالهن فرصة لتشكيل فرق جديدة من خلفيات مختلفة وبرأيي هي واحدة من أهم المكاسب اللي ممكن يطلع فيها أي شخص من هيك تجربة. شكراً Eman Yaghi ولفريق Sanad Youth سند الشباب على الدعوة، ولكل المشاركين اللي دخلوا التجربة بعقل مفتوح واستعداد يتعلموا من بعض 💙