Post by niranjana s

*Mini* Mini ki aankhein aaj bhi usi pehchaan ko dhoond rahi hain... Wo pehchaan jo kabhi uski thi. Uska wajood. Ek waqt tha jab Mini safalta ki misaal thi. Corporate corridors me uske kadmon ki goonj thi, aur uski mehnat ki khushboo. Zindagi seedhi lakeer par daud rahi thi... Phir kuch bure log aaye. Aur haalaat ne aisa mod liya ki seedhi lakeer bikhar gayi. Jab tak naukri thi, phone bajte the. "Mini ji, chai?" "Mini ji, advice?" Naukri gayi. Umar badh gayi. Ab phone khamosh hain. Aur rishte bhi. Mini aaj bheed me hai... par tanhai me. Na koi humdard. Na koi well wisher. Bas chehron par ek lafz – "Aunty". Ye wahi Mini hai jo kabhi class ki topper thi. Ab uski pehchaan badal chuki hai. "Aunty" – ek aisa lafz jisne uska naam, uska kaam, uski rooh... sab nigal liya. Dard ye nahi ki log badal gaye. Dard ye hai ki Mini ko khud se milaane wala koi nahi bacha. Ye kahani kaalpanik hai. Par agar padhte hue aap ko kisi ki yaad ata hai Toh samajh lena, aap kisi Mini ko jaante hai. #Empathy #Relatable #Leadership #HindiStory #WomenEmpowerment