Post by nawal aburizq

بدي أرجع لورا شوية، وأحكيلكم عن محطة من المحطات اللي كان إلها أثر كبير بحياتي الدراسية والمهنية. قبل الحرب على غزة، كنت من بين 50 طالب وطالبة من كلية الهندسة والـ IT تم اختيارهم للانضمام إلى مشروع قدرة، وهو مشروع مدعوم من دولة الكويت ومنفذ من خلال حاضنة الجامعة الإسلامية (BTI). المشروع ما كان بس منحة دراسية كاملة تغطي رسوم الجامعة، كان كمان رحلة تدريبية لمدة 3 شهور، وكل مرحلة فيها تركت أثر فينا. 🔹 المهارات الناعمة هاي المرحلة غيّرتني عن جد. نقلتني من طالبة الكل بعرفها من علاماتها آخر الفصل، لطالبة بتقدر تحكي عن أفكارها بثقة وتشارك وتناقش. تعلمنا مهارات زي التواصل، والإقناع، والتفويض، والعمل الجماعي، والأجمل إنها ما كانت نظري، كنا نعيش المواقف، نغلط، ونتعلم. 🔹 الكتابة الأكاديمية واللغة الإنجليزية كانت طريقة التدريب ممتعة وبسيطة، وحتى الأشياء اللي كنا نحسها صعبة صارت أسهل مع كثرة الأنشطة والتطبيق ، وفي نهاية هادي المرحلة كان الإرشاد الوظيفي ، مهارات البحث العلمي ، البحث باستخدام أدوات الذكاء الاصطناعي . 🔹 ريادة الأعمال والعمل الحر مع الأستاذ محمد الكرد، تعرفنا على عالم العمل الحر ومنصاته، وكيف الواحد ممكن يبني مساره بنفسه. لحد اليوم بتذكر جملة حكاها إلنا: "إنت كل يوم بدك تكون أقوى." وقتها يمكن ما كنت مستوعبة كل اللي بنتعلمه، لكن اليوم كل مهارة أخدناها صار إلها مكان بحياتي، وبرجع إلها كل ما احتجتها. بصراحة، هاي التجربة كانت من أجمل التجارب اللي مريت فيها. ما كانت مجرد منحة، كانت تجربة غيّرت طريقة تفكيري، وزادت ثقتي بنفسي، وعلمتني مهارات لليوم بستفيد منها على المستوى الأكاديمي والمهني. كل الشكر لكل شخص كان جزء من مشروع قدرة، Eng.Samer Alkhaldy Dr.Saleh Abu Shaban Dr.Mohammed Al Kurd ولكل المدربين والقائمين عليه، لأنهم تركوا فينا أثر رح يضل معنا. #ProjectQudra #Scholarship #SoftSkills #AcademicWriting #English #Entrepreneurship #Freelancing #ProfessionalDevelopment