Post by Nabeela Suleiman

الحمد لله على تجربة رح تضل محفورة بذاكرتي 🤍 كان إلي الشرف إني أمثل Zarqa University مع التيم الرائع: عبدالله التميمي و Faris Alzaghlool ، وبإشراف الدكتورة Mays Mahmood ، في مسابقة Jordan Freshers Coding Cup كانت أول مشاركة إلي بمسابقة برمجية على هالمستوى، وكانت أكبر من مجرد منافسة 🤍 كانت تجربة علمتني إنه كل ساعة تعب، وكل كود كتبته وكل مرة غلطت فيها ورجعت حاولت... إلها قيمة الحمد لله قدرنا نحقق المركز الأول #1 على مستوى Zarqa University والمركز 37 على مستوى الجامعات الأردنية ويمكن الرقم بالنسبة لحدا مجرد ترتيب ,,,,, بس بالنسبة إلي هو بداية طريق وإثبات إنه لسا في كثير لقدام أتعلمه وأوصله هاي التجربة زادت قناعتي إنه النجاح ما بيجي صدفة النجاح بده تعب وصبر واستمرارية وإنه المنافس الحقيقي هو النسخة اللي كنت عليها مبارح شكراً من القلب لل الجامعة الاردنية على التنظيم الرائع وعلى الفرصة اللي جمعت طلاب من مختلف الجامعات تحت سقف واحد نتعلم من بعض ونتحدى بعض بروح جميلة هيك فعاليات هي اللي بتصنع الشغف وبتفتح أبواب للمستقبل وكل الشكر لجامعتي Zarqa University على دعمها وثقتها فينا وللدكتورة Mays Mahmood وللدكتور Dr. Hamzeh Aljawawdeh على إشرافهم وتشجيعهم ولزملائي عبدالله التميمي و Faris Alzaghlool ... كان فخر إلي أكون معكم بتيم واحد وإن شاء اللّٰه هاي مجرد بداية لإنجازات أكبر والطريق لسا طويل... لكن اليوم تأكدت إنه لما الإنسان يؤمن بنفسه ويشتغل على حاله كل يوم، ما في سقف لطموحه بإذن اللّٰه هاي أول مشاركة ومش آخر إنجاز 💪🏻