Post by Mohamed M.

كل فترة بشوف البوست ده وبصراحة حابب أقول رأيي... أنا مش مقتنع إن شخص مستني فرصة شغل هيقوم عامل Block للـ HR أو الـ Talent Acquisition لمجرد إنه اتحدد له Interview.. بالعكس، أي حد بيدور على شغل بيكون متمسك بأي فرصة لكن في المقابل عندي طلب بسيط من كل الزملاء في الـ HR وTalent Acquisition إحنا كـ Candidates بنحترم مواعيد الـ Interview وبنذاكر وبنجهز نفسنا وبنبذل وقت ومجهود أقل حاجة نتمنى نحصل عليها هي Feedback حتى لو الرد كان تم الرفض أو مثلا اختارته حد تاني .. مجرد رسالة بسيطة بتفرق جدًا مع الشخص اللي مستني.. ولو أمكن توضيح سبب الرفض حتى بشكل عام هيكون ده أفضل لأنه بيساعد الشخص يعرف يطور نفسه بدل ما يفضل يفكر أنا اترفضت ليه؟ أنا مقدر جدًا إن ضغط الشغل موجود وإن الـ Recruiter بيتعامل مع عدد كبير من المرشحين لكن الرد على الناس بيعكس احترافية الشركة وبيسيب انطباع محترم حتى عند الشخص اللي متقبلش في النهاية كلنا في مجال السوفت وير تعبنا ولسه بنتعلم وبنسعى. خلوا التجربة الإنسانية تكون أسهل شوية.. "الراحمون يرحمهم الرحمن، ارحموا من في الأرض يرحمكم من في السماء." الـ Feedback مش هيغير نتيجة القبول أو الرفض، لكنه هيغير تجربة الشخص وهيخلي سمعة الشركة احسن في سوق العمل ... سهلو الدنيا علينا ♥️♥️🤍