Post by Mohamed Khaled 🇵🇸

ازاي بلخّص بودكاست ٣ ساعات ف ٣ دقايق! بطبيعتي بحب أسمع بودكاست كتير ، وألخّص كل حلقة علشان أرجعلها في أي وقت أو أشاركها مع حد يهمه نفس الموضوع. بس مؤخرًا بسبب ضيق الوقت بقى عندي مشكلة .. مبقتش بسمع البودكاست إلا وأنا في الچيم أو سايق ، يعني مفيش وقت أكتب ملاحظات أو ألخّص الكلام اللي بسمعه، حتى لو الحلقة كانت تستاهل. آخر حلقة كنت بسمعها كانت من بودكاست مهارات Maddar مدار مع Nadeem Barakat وضيفه Islam Saadany ، وكانوا بيتكلموا عن مهارة التفكير الاستراتيجي. حلقة دسمة فعلًا سمعتها ٣ مرات! وكل مرة فيه حاجات بتعلّق معايا ومن هنا جاتلي فكرة ، ليه ماسيبش الـ AI يعمل الشغل ده عني؟ وبكل بساطة عملت دا ف ٣ خطوات كالتالي: - جبت لينك الحلقة من يوتيوب - استخدمت أداة طلعتلي الـ transcript من ال video - دخلت الـ transcript على ChatGPT وقلتله بالظبط: “Summarize this podcast transcript into clear key points using a casual, conversational Egyptian Arabic tone. Highlight practical insights or memorable quotes from the speaker. Keep the summary comprehensive and engaging, like something you'd send to a friend who missed the episode." والنتيجة؟ ملخص واضح وسريع وسهل أرجعلُه وقت ما أحب. من غير ما أكتب كلمة. 💡 بفكّر أعمل حاجة أكتر … تخيل تبعت لينك اي Video في تليجرام بوت، وهو يرد عليك بالـ summary في ثواني! بفكر ابني AI Agent يربط التول اللي بتستخرج الـ transcript بـ ChatGPT  وساعتها أنت بس بتبعت اللينك، والباقي يتلخّص لوحده. لو شايف إن الفكرة تستحق تتبني ، قولي رأيك 👇🏻 وهسيبلكوا في الـ comments الملخص + رابط الحلقة + الاداة اللي استخدمتها في استخراج ال transcript شكرًا Nadeem و Islam على القيمة اللي قدمتوها في الحلقة 👏🏻 متراكم عليا كام حلقة من Ahmed Rashad و Mohamed Aboulnaga و Youssef ElAkkari محتاج ألحقهم بملخص قريبًا 😄 #AIinLearning

Video Content