Post by Mohamed Talaat

امبارح جربت حاجة مختلفة شوية وحابب أشاركها  واحد صاحبي Mazen Ahmad شغال على برودكت لطيف جدًا (Seera) … موقع بيحول الـ CV بتاعك لبورتفوليو كامل بشكل احترافي، ومعاه Templates كتير جدًا تقدر تختار منها وتعدل كل حاجة بنفسك: الديزاين، الألوان، الفونتس، وحتى التفاصيل الصغيرة اللي بتفرق. ده البورتفوليو بتاعي لو حد حابب يشوفه: motalaat14.myseera.com في ناس ممكن تقول: “طب ما أي AI tool ممكن يعمل ده ببرومبت وخلاص” بس بصراحة أنا شايف العكس تمامًا. الفكرة مش بس في النتيجة… الفكرة في التجربة نفسها. الـ AI بقى بيختصر كل حاجة لدرجة إنه سحب جزء كبير من متعة إنك تبني حاجة بإيدك، إنك تجرب، وتظبط، وتغير لحد ما توصل للي يرضيك. بالنسبالي، استخدام التول دي كان ممتع أكتر بكتير من إني أكتب برومبت وخلاص. الموضوع شبه الفرق بين: إنك تسوق عربية 2000cc تربو سبورت وتحس بكل تفصيلة في الطريق أو تركب عربية self-driving تقولها “وديني المكان الفلاني” وخلاص الاتنين هيوصلوك… بس التجربة مختلفة تمامًا. ده غير انه اسهل بكتير و اسرع .. ثواني حرفيا بتلاقي انه خلص شكر كبير يا Mazen على الشغل الجميل ده 👏 ومتشوق أشوف هتوصلوا لفين قدام