Post by Mostafa Rizk
IT Student || AI & Data Science Graduation @DEPI || NTI Machine Learning Graduation || UI/UX Developer || E-store Management
من أكتر من سنة وأنا ماشي بفكرة في دماغي ومقتنع بيها جدا رغم إن كل ما كنت أحكيها لحد كانت أول حاجة أسمعها: الفكرة صعبة جدا المجال ده لسه المصادر فيه قليله تنفيذها هيكون معقد جدا بس كل ده خلاني أتمسك بيها أكتر. وبعد ما كانوا بيقولوا صعبه ومش هتقدر عليها دلوقتي كله فخور ومبهور بالنتيجه فكرة “أدائي” بدأت من حاجة بسيطة جدا وهي إني كنت شايف إن فيه كمية بيانات وإحصائيات ضخمة في كرة القدم لكن لسه فيه مساحة كبيرة إن الذكاء الاصطناعي يساعد في تحليل أداء اللاعبين بشكل أدق وأسهل. ومن هنا بدأت الرحلة. رحلة طويلة من البحث وقراءة أبحاث وتجميع داتا وتجارب كتير جدا كانت بتنجح مرة وتفشل عشر مرات. ساعات كنا بنقعد أيام كاملة علشان نحل مشكلة واحدة وساعات كنا بنعيد شغل أسابيع من الأول عشان نوصل لنتيجة أحسن. وفي وسط كل ده كان فيه تيم شغال بكل طاقته وكل واحد فينا كان بيحاول يطلع أفضل ما عنده علشان نوصل لفكرة كنا مؤمنين بيها رغم كل الخلافات و الخناقات اللي حصلت فعلا الا ان بصفتي تيم ليدر قدرت اجمع التيم كله علي روح الفريق . والحمد لله بعد مناقشة مشروع التخرج أقدر أقول إن الفكرة اللي بدأت في دماغي من فترة طويلة اتحولت لمشروع حقيقي اتنفذ واتناقش على أرض الواقع. مبسوط جدا وفخور بالرحلة دي مش بس عشان النتيجة لكن عشان كل اللي اتعلمناه خلالها وكل التحديات اللي عدينا بيها. وشكر كبير جدا لتيم المشروع على كل دقيقة تعب ومجهود ومناقشات وسهر وشغل حصل خلال الفترة اللي فاتت لأن من غير المجهود الجماعي ده مكانش هيكون فيه “أدائي” بالشكل اللي وصل له النهارده. وشكر لدكاترتنا ومشرفينا على دعمهم وتوجيههم طول الرحلة. Nesma Ebrahim hassanaen Prof. Wael Awad و المعيدين اللي كانوا بالنسبه ليا اكتر من اخوات فعلا ومبخلوش ب اي معلومه نهائي Maya Hesham sohila elshamey Nada SharafEl-din Adham Elbeshbeshy يمكن مشروع التخرج انتهى… لكن بالنسبة ليا دي مجرد بداية لحاجات أكبر جايه قدام. 🚀❤️ استنوا الفتره الجايه هحاول انزل سلسله نوضح فيها كل ال Feature بالتفصيل ولو عندك اي استفسار ابعتلي علي طول #GraduationProject #ArtificialIntelligence #ComputerVision #SportsAnalytics #AI #Technology
