Post by Mostafa Eliwa

الحمدلله، أنا من الناس اللي مبسوطة جداً بفترة الجامعة وباللي قدرت أحققه فيها لحد دلوقتي و لو اقدر اختار اكيد كنت هختار نفس الطريق تاني لو رجعت بالزمن، هلاقي إن رحلتي بدأت مع مبادرة الوزارة (DEPI)، لما قدرنا ناخد المركز التاني على مستوى مصر في تراك الـ Machine Learning بمشروعنا LinguaSense. دي كانت بداية احتكاكي بتراك الـ AI، و الحاجه اللي خلتني الاقي شغفي و أقرر إن ده مجالي اللي هكمل فيه. بعدها دخلت في واحدة من أحسن التجارب اللي عملتها، وهي إني أكون Data Science Instructor في GDG. التجربة دي مش بس علمتني حاجات كتير تيكنيكال ، دي كمان عرفتني علي ناس الحقيقه انا مبسوط بيهم . ومن هنا بدأت رحلتي في سوق العمل.. بدأت أشتغل Freelance projects، وبعدين اشتغلت في كذا مكان كبير زي EYouth و Next و اتعاملت مع ناس تقيله ف مجالنا . وصولاً بقى لـ FlowEra (مشروع تخرجنا)، والنجاحات والشغل التقيل اللي بنحققه فيه والحمدلله. في وسط كل ده، في حاجة مهمة جداً كانت فارقة في حياتي، وهي إني بدأت أقدم محتوى عن البرمجة والـ AI على تيك توك ولينكد إن. الحمدلله قدرت أوصل لأرقام متابعين كويسة جداً، رغم إن الأرقام مكنتش هدفي في الأساس.. هدفي الأول والأخير كان إني أفيد الناس باللي بتعلمه وأسهل عليهم الطريق. والحمدلله، إن اسمي بقى بيتقال وسط الناس بالخير ويدعولي، ده كان أكتر حاجة أنا عايزها وأكبر مكسب ليا من كل ده ❤️ حبيت أشارك معاكم الخطوات دي، عشان أفكر نفسي بالحاجات ال انجزتها ف وقت كلنا حاسين فيه ب توهان .. الرحلة مكنتش سهلة بس الحقيقي كانت تستاهل ، ولسه المشوار طويل وفي إنجازات وتحديات جاية كتير إن شاء الله! #AI #MachineLearning #DataScience #ArtificialIntelligence #SoftwareEngineering #TechCommunity #DEPI #FlowEra #AI_Engineer