Post by Mostafa Amir

عايز أقولي حاجة. - خلى بالك الفترة من 22 لـ 29 مش سهلة أبدًا. بتكون لسه بادئ حياتك المهنية، والـ old crush بيتجوز، والناس الأكبر منك شايفين إنك خلاص لازم تبقى فاهم الدنيا، وفي نفس الوقت اللي أصغر منك بيسألوك نصايح كأنك خبير حياة. بتلاقي نفسك مهتم بأسعار الدولار وبتتفرج على cartoons عادي جدًا. وبقيت تكتشف إن الأكل اللي كنت بتاكله من غير حساب زمان، دلوقتي بيظهر عليك فورًا. كل طنط تشوفك تقولك: “إمتى نفرح بيك؟” وكل أونكل يقابلك يسألك: “عامل إيه في career والفلوس؟” وأنت في الحقيقة غالبًا ماشي بالـ flow، بتحاول تفهم الطريق وأنت في نصه، وبتقول: ربنا يسهل. عندك ثقة في ربنا، بس خبرتك لسه بتتكوّن. لا أنت بريء كفاية عشان الدنيا تسيبك، ولا ناضج كفاية عشان كل حاجة تبقى واضحة. بتبدأ تكتشف إن حاجات كتير اتعلمتها ماجهزتكش للحياة بجد. وإن الحب مش blind زي ما كانوا بيقولوا، وإن اختيار شخص دلوقتي مش لعبة، ده قرار محتاج وعي وقلب مفتوح وعقل صاحي. بتفهم إن الصداقة مش عدد ولا قعدة وخلاص، دي قبول وود وراحة قبل أي حاجة. وبتعرف إن مفيش ضمانات، وإن الثقة الزيادة ممكن توقعك أنت ومشاعرك مرة واحدة. بتستوعب إن جزء كبير من غرورك كان بسبب صغر سنك، وإن الوقت جه تسيبه على الباب. في السن ده تحديدًا بتفهم إن الحياة مش شبه الصورة اللي كنت راسمها خالص. Mostafa Amir