Post by Mohamed Elsayed

سعيد جدًا بتلبية دعوة ITQAN (مجتمع إتقان لتقنيات القرآن) لحضور ملتقى إتقان، وكان لي الشرف أن أمثل تطبيق مُناجاتك وسط مجموعة مميزة من المطورين، والباحثين، ورواد الأعمال، وكل المهتمين باستخدام التقنية في خدمة القرآن الكريم، من ضمن أكبر مجتمع في العالم يجمع المهتمين بتقنيات القرآن الكريم. وكانت سعادتي أكبر إني أشارك التجربة دي مع زمايلي في فريق مُناجاتك Mahmoud Mourad و Ahmed Adel. فخور إننا بنمثل مشروع بنشتغل عليه بشغف، وهدفنا إنه يقدم قيمة حقيقية ويكون سبب في نفع الناس. وسعدت كمان بالنقاش والاستفادة من خبرات Ahmad Fathy وMohamed Abusrea وOmar Fathy، بالإضافة لكل النقاشات الجميلة مع باقي الحضور، واللي خرجت منها بأفكار وتجارب هتفيدنا بإذن الله في رحلة تطوير مُناجاتك. اللي عجبني في الملتقى إنه جمع ناس من خلفيات مختلفة، لكن كلهم كان عندهم نفس الهدف: إزاي نستخدم التقنية في خدمة القرآن الكريم ونبني منتجات يكون ليها أثر حقيقي. النوع ده من التجمعات بيفتح باب لتبادل الخبرات، وتكوين علاقات جديدة، ويديك حماس تكمل وتطور أكتر. كل الشكر لفريق ITQAN (مجتمع إتقان لتقنيات القرآن) ولكل القائمين على تنظيم الملتقى على الدعوة الكريمة، وحسن الاستقبال، والتنظيم المميز. ربنا يبارك في مجهودكم ويجعله في ميزان حسناتكم، وإن شاء الله دي تكون بداية لمشاركات وتعاونات أكتر في الفترة الجاية. 💚 #ITQAN #مجتمع_إتقان #مناجاتك #QuranTech #Flutter #MobileDevelopment #TechForGood #تقنيات_القرآن #التطبيقات_الإسلامية