Post by Eng.Mohammed Bakr

يعني شنو مهندس اعمال Business Architect ؟ 🤔 بنلاقي أغلب الناس عارفين انو في : • مهندس مدني • مهندس كهرباء • مهندس معماري لكن أول مرة يسمعوا بمهندس أعمال طيب خليني أبسطها ليك الفهم شوية شوية إتخيل معاي إنو بواجهك في مشروعك حاجة من الحاجات دي👇🏻 • المبيعات نازله • فريق العمل متلخبط • التسويق شغال لاكن النتيجة ضعيفه • العملاء بشتكوا كتيير •والشغل ماشي بالبركة أكتر من النظام هنا أغلب الناس بتفتكر إنو المشكلة في الإعلان 😅🙆‍♂️ . أو بقول ليك الموظفين. أو رأس المال 💵. لكن في كتير من الحالات دي بتكون بس مجرد أعراض . أما المشكلة الحقيقية فبتكون أعمق من كدا. وهنا بيجي دور ( مهندس الأعمال) . مهندس الأعمال ما شغلتو إنو يديك نصائح عامة. وما شغلتو يحفزك ويقول ليك شد حيلك . شغلتو ببساطة انو : • يفهم كيف مشروعك شغال. • يشخص المشاكل الحقيقية. • يصمم أنظمة أفضل. • ويبني مسار نمو واضح وقابل للقياس. بمعنى آخر لو المشروع عبارة عن جسم إنسان فمهندس الأعمال أقرب للطبيب الاستشاري . قبل ما يكتب العلاج هو لازم يعرف المرض الحقيقي شنو . ف انت إذا عندك مشروع أو ناوي تبدأ مشروع أو عندك فكرة ولسة محتار من وين تبدأ وكيف تبدأ ؟ فأنت في المكان المناسب بإذن الله 😊. 🔷 لو طلبت منك توصف أكبر تحدي بواجه مشروعك في كلمة واحدة حتقول شنو؟ #MohammedBakr #BusinessArchitect #BusinessConsulting #تشخيص_المشاريع #حلول_الأعمال #زيادة_المبيعات #تحسين_الأداء #بناء_الأنظمة