Post by Mohammed EL-sayed

⭕️البحث عن شغل في المملكة: لازم الأول تفهم تصنيف السوق هناك. كتير من المهندسين بيدوروا على وظائف بالطريقة التقليدية: “مهندس مدني في السعودية” “مهندس معماري الرياض” “QS Jobs KSA” وده مش غلط… لكنه مش كفاية. السوق السعودي بشكل عام ممكن يتقسم على 3 مستويات: أولًا: تصنيف المشاريع فيه مشاريع Giga Projects زي الدرعية، القدية، البحر الأحمر، روشن، نيوم، وغيرها. وفيه مشاريع بنية تحتية، فنادق ، أبراج، مجمعات سكنية، طرق، مرافق، ومشاريع Fit-Out وتشطيبات ضخمة. وفيه كمان مشاريع أصغر زي المباني السكنية والتجارية المعتادة. كل نوع مشروع له شركات مختلفة، واحتياجات مختلفة، وتخصصات مطلوبة بشكل مختلف. ثانيًا: تصنيف الشركات مش كل شركة موجودة في المشروع بتكون مقاول رئيسي. فيه Developer أو جهة مالكة للمشروع. فيه Project Management / PMC. فيه Design Consultant. فيه Supervision Consultant. فيه Main Contractor. فيه Subcontractors. وفيه شركات متخصصة في MEP، Facade، Fit-Out، Landscape، Infrastructure، Steel Structure، Logistics، Testing & Commissioning، وغيرها. وطبعًا جوه كل شركة فيه عدد كبير من الأقسام والتخصصات زي التنفيذ، الجودة، التصميم، المكتب الفني، العقود، التخطيط، الـ QS، والـ Commercial… إلخ. فلو أنت مهندس تنفيذ، قدامك فرص في أكتر من نوع شركة تحت مسميات زي Site Engineer أو Project Engineer. ولو أنت مهندس مكتب فني، دور على الوظائف المرتبطة بالمكتب الفني زي Technical Office Engineer، QS، Commercial Engineer، Contracts Engineer… إلخ. بس المهم جدًا إنك تكون فاهم دورك هيكون إيه بالضبط جوه نوع الشركة اللي بتقدم عليها. يعني مثلًا مهندس الـ QS في شركة مقاولات، غير مهندس الـ QS في Cost Consultant. آه فيه تشابهات، لكن طبيعة الدور والمسؤوليات مختلفة جدًا. فلازم تكون محدد أنت بتدور على أنهي وظيفة، جوه أنهي نوع شركة. ثالثًا: طريقة البحث ابدأ باسم المشروع، مش باسم الوظيفة فقط. اكتب على LinkedIn مثلًا: Diriyah Project Qiddiya Construction Riyadh Projects Red Sea Global New Murabba ROSHN Saudi Giga Projects بعدها شوف مين الشركات اللي ظاهرة في النتائج، ومين الأشخاص اللي شغالين هناك، ومين بينزل صور أو تحديثات أو وظائف. بعد كده ادخل على صفحة الشركة وشوف: هل عندهم Careers Page؟ هل فيه HR أو Recruiters شغالين عندهم؟ هل فيه ناس بنفس تخصصك شغالين هناك؟ هل الشركة Main Contractor ولا Consultant ولا Subcontractor؟ وبعدها اقرأ الـ Job Description كويس. هل الشغل المطلوب مناسب لخبرتك؟ هل أنت فعلًا تقدر تنفذ المسؤوليات المطلوبة؟ هل عندك خبرات مشابهة تقدر تبرزها في الـ CV؟ لو الإجابة نعم، يبقى لازم تعدل الـ CV بتاعك بحيث يوضح نفس المسؤوليات والخبرات اللي الشركة بتدور عليها، بشرط طبعًا تكون خبرات حقيقية تقدر تتكلم عنها في المقابلة. الموضوع مش مجرد إنك تبعت CV وخلاص. الموضوع إنك تبني خريطة للسوق. الخلاصة: اللي فاهم تصنيف المشاريع والشركات، بيوصل أسرع من اللي بيدور عشوائي. السعودية فيها فرص كبيرة جدًا، لكن الفرص دي محتاجة بحث ذكي، CV مناسب، ومتابعة مستمرة للشركات الصح.