Post by Mohammad Oweidat

سوّينا تطبيق خلال 3 أيام فقط !! شاركنا في هاكثون 42 Irbid ، وكان التحدي بالنسبة إلنا كبير جدًا من أول لحظة. دخلنا وإحنا تقريبًا ما عنا خبرة حقيقية لا بالـ Frontend، ولا Backend، ولا حتى التعامل مع الـ Databases. لكن قررنا نجرّب… ونتعلم… ونشوف لقديش ممكن نوصل. اشتغلنا لساعات طويلة وأيام متواصلة، وبصراحة… ما توفقنا بالمركز اللي كنا نطمح له. لكن بالنهاية؟ اللي كسبناه كان أكبر من أي مركز. كسبنا معرفة حقيقية. كسبنا خبرة عملية من الصفر. وخضنا تحدي فعلي خلانا نكتشف شو ممكن نعمل لما نضغط حالنا ونتعلم بسرعة. اكتشفنا انو احنا بنقدر حتى لو ماعندنا علم فيه ابدا كنا ماشين ع مبدأ "كلو قابل للتعلم مافي اشي صعب او مستحيل" بالبداية، كنا متوقعين إنو نسلّم تطبيق ناقص أو بسيط، لكن اللي صار كان عكس هيك تمامًا. قدرنا نطلع بتطبيق فيه: - تصميم مرتب ونفس الفكره الي ببالنا - Features وأفكار إضافية ما كنا متوقعين نقدر نطبقها - Backend وهيكلة واضحة - تعامل فعلي مع Database - وربط كامل بين الـ Frontend والـ Backend (وكان من أصعب التحديات) وبصراحة، تجربة الربط بينهم كانت من أكثر الأشياء اللي تعلّمنا منها. كل هذا خلال 3 أيام فقط. والأهم؟ اكتشفنا قدراتنا… واكتشفنا كيف ممكن نستخدم الـ AI بشكل فعّال يساعدنا نتعلم ونبني بسرعة. بالنهاية، ممكن ما توصل للمركز اللي بدك إياه، بس بتوصل لشي أهم : تفهم نفسك أكثر، وتعرف إمكانياتك الحقيقية، وشو ممكن تسوي لما تعطي كل طاقتك. أكيد ما بنسى شركائي بهالتجربة اخوي عبد الغني ابطاح اشتغلنا سوا على الـ Frontend & Backend واخوي Anas Elissa كان مسؤول عن الـ Database، وكان الشغل بينا مترابط بشكل ممتاز وكمان شكر خاص لأختي Nour Owiedat ، اللي ساعدتنا بصياغة الـ pitch تبعنا، واللي كان مختلف عن غيره لأنه ركّز على “الأثر” مش بس الـ features. تجربة ما بتتكرر، وبداية قوية لشي أكبر الحمدلله على كل شيء. والشكر أولًا وأخيرًا لله والحمدالله دائما و ابدا #Hackathon #StartupJourney #GeomRavage #LearningByDoing #SoftwareDevelopment #Frontend #Backend #Database #AI #Teamwork #42Network #Growth #Jordan #Irbid