Post by Mohamed Harby-سفير الشباب

ازاي القائد يعاقب ؟ من محاضرة المتألقة دائما Heba Abd El-Razek لما تبقي محظوظ وتحضر لها محاضرة عن القيادة بتلاقي نفسك غصب عنك مركز في كل كلمة هي بتقولها وكل تجربة بتحكيلك عنها وتلاقي نفسك بشكل لا ارادي ماسك الورقة والقلم وبتسجل وراها والأجمل انك بتلاقي افكار جميلة ومعاني قيمة اتولدت عندك في الوقت ده وهو وقت بنربط فيه العلم اللي بنتعلمه منها بخبراتنا كلنا مع بعض وده اللي حصل في محاضرتها الأخيرة "القائد بعد الفشل " Leader After Failure واثناء المحاضرة اتسأل سؤال مهم جدا من احد زملائنا "بناء علي مبدا الثواب والعقاب للقادة إزاي القائد يعاقب كل واحد من الفريق رغم اختلاف شخصياتهم وبالتالي اختلاف تأثير العقاب عليه " وهنا السيدة هبة بدأت تشرح تجربتها في العقاب واحد يجي بالخصم واحد يأثر فيه تجنبك ليه واحد يأثر فيه انك ما تشغلوش وقالت باللفظ كده لاحد فريقها "سيب القلم مفيش شغل ليك النهاردة " وازاي هو اتأثر ورجع اعتذر وهنا بقي بدأت اربط بين الكلام ده وبين منهج القيادة اللي اتعلمته قبل كده وهو المستويات الخمس للقيادة للكاتب جون ماكسويل 5 levels of leaders واللي عرف فيه القيادة ل خمس مستويات متتالية المستوي الاول القيادة بالسلطة علي الفريق المستوي التاني القيادة بالعلاقات مع الفريق المستوي التالت القيادة بالانتاجية للفريق المستوي الرابع القيادة بالتأثير علي الفريق اعلي مستوي الخامس القيادة بالقدوة للفريق وهنا جت لي فكرة هي رزق المحاضرة دي وهي طالما القيادة ليها خمس مستويات يبقي كمان العقاب ممكن يبقي ليه 5 أوجه علي حسب تأثير العقاب وعلي حسب شخصية الفرد الوجه الاول :ممكن اعاقب باستخدام سلطتي وهو خصم من المرتب لو الفلوس هي اللي هتاثر معاه الوجه التاني: ممكن اعاقب باستخدام تأثير العلاقات وهو تجنب الشخص لو العلاقات هي اللي بتأثر معاه الوجه التالت: ممكن اعاقب بالانتاجية يعني ما تشتغلش النهاردة وزمايله كلهم بيشتغلوا لو حرمانه من الإنتاجية هيكون عقاب ليه الوجه الرابع : ممكن اعاقب بالتاثير فيه انا بساعده دايما انه يطور من نفسه فهحرمه من ده فيكون عقاب ليه الوجه الخامس :وده اشدهم وهو حرمانه من القدوة اللي بيرجعلها لما يتوه وده اكبر عقاب ليه لو كان بيتعامل مع القائد كقدوة ليه في حياته . وبكده يبقي طلعنا أساليب العقاب من أساليب القيادة السيدة هبة أعجبت جدا بالفكرة والتحليل واصرت اني انزل بوست عنه وقالت حق الناس تتعرف علي الفكر ده "لا يقاس القائد الجيد بقدرته على معاقبة فريقه، بل بقدرته على فهم أي نوع من العقاب يبني ولا يهدم "