Post by Mohamed Nosir

الحمد لله، بفضل الله وتوفيقه، أنهيت مناقشة مشروع تخرجي من كلية الحاسبات وعلوم البيانات – جامعة الإسكندرية Faculty of Computers and Data Science, Alexandria University, Egypt. كان مشروع تخرجنا بعنوان (AI Legal Assistant)، وهو نظام ذكاء اصطناعي مخصص للمساعدة القانونية باللغة العربية، بيساعد المواطن المصري يفهم البنود و النصوص القانونية و يحصل على إجابات دقيقة مبنية على القانون المصري من غير ما يحتاج لمحامي في كل خطوة. النظام مبني على تقنية Retrieval-Augmented Generation (RAG) وبيقدم: 🔹 الإجابة على الأسئلة القانونية بالعربية الفصحى والعامية المصرية 🔹 تحليل العقود و اكتشاف البنود الناقصة تلقائيا و مقارنتها بالعقود النموذجية 🔹 اقتراح صياغات قانونية بديلة للبنود الناقصة أو الضعيفة ومن أبرز التحديات اللي اشتغلنا عليها: 🔹استخراج النصوص من الوثائق القانونية بالعربية عن طريق (Surya OCR)  🔹بناء نظام يجمع بين قوة الأداء والدقة القانونية، مع كفاءة في التشغيل تجعل النظام جاهز للعمل على أرض الواقع 🔹توجيه النظام انه يكون سهل الاستخدام للمواطن المصري بدعم اللغة العربية الفصحى و العامية بشكل كويس، وعشان كده اخترنا نموذج Fanar-1-9B اللي أثبت كفاءة عالية في فهم اللهجتين والمعالجة اللغوية. خلال المشروع اتعلمت حاجات كتير، مش بس في مجالات NLP وRAG وVector Databases، كمان في بناء أنظمة كاملة من الصفر، وتحويل فكرة لمنتج حقيقي يخدم ناس محتاجاه. وحابب أشكر زملائي في التيم على مجهودهم ومساهمتهم الكبيرة في المشروع: Mazen Arafat Mohamed Ahmed Abu Alyazeed Marwan Gaber Yousef Adel Seif El Din Hany Abdelrahman Hamad وأكيد بشكر مشرفتنا الدكتورة لمياء علي على دعمها وتوجيهاتها القيمة طوال فترة المشروع، وطبعاً لكليتنا على كل ما قدمته لنا طوال فترة دراستنا فيها. وأخيراً، أحمد الله سبحانه وتعالى على فضله وكرمه إنه وفقني للوصول للمرحلة دي. دي مش نهاية الرحلة، بل بداية مرحلة جديدة بإذن الله، متحمس فيها لتطوير مهاراتي، واكتساب خبرات جديدة، والمساهمة في بناء حلول حقيقية باستخدام الذكاء الاصطناعي وعلوم البيانات. #GraduationProject #AI #NLP #RAG #LegalTech #ArabicNLP #DeepLearning #LLM #AlexandriaUniversity