Post by Mohamed Saad

حسين علي رضا من السعودية، درس في كامبريدچ و بدأ تجديف من ٣ سنين بس و بلده مكنش فيها اتحاد ل اللعبة أصلاً و مع ذلك اتأهل للأولمبياد و بسببه اتأسس اتحاد ونشر اللعبة في بلده، جاله كسر في ضلع في صدره في التمرين قبل الاولمبياد ب فترة قصيرة و رغم كده استمر و بدأ سباقاته امبارح. شبابنا الحلوين و صفحاتنا اللي بيشحتوا ريتش يسكتوا؟لا يقولوا ده خسر ب فرق ساعة و نص رغم ان السبق كله ٧ دقايق! يعني جهل و تخلف و عدم تحضر. البوستات من كتر ما انتشرت، فيسبوك عمل Fact-check و مسح كل البوستات دي بسبب نشر أخبار كاذبة. حسين درس في أكبر جامعات العالم (اللي بالمناسبة القبول فيها مش بس بالفلوس، ده لازم تكون على مستوى علمي عالي جداً)، و اتأهل ل أكبر حدث رياضي في العالم و شال علم بلده في حفل الافتتاح، و بيساعد الاطفال المصابين بالسرطان، لكن الشباب الحلوين اللي قاعدين عالكنبة شايفين ان الحمدلله انه ماغرقش! التواجد في الأولمبياد لوحده شرف لأي لاعب بيمثل بلده. اتمنى الناس يبقى عندها وعي رياضي و تحضر و أخلاق عن كده. #saudivision2030 #saudiarabia #tokyoolympics2021 #sport #rowing