Post by Mohamed Khaled

خلال الاسبوعين اللى فاتوا ، اتعمل ميرج لـ 7 PRs ليا فى Ant Design و LangGraph… و دى أول مرة أعمل open source contribution فى حياتى من اسبوعين دخلت عالم جديد ممتع مش عارف ليه مكنتش دخلته لحد دلوقت: عالم الـ open source contributions. عملت 7 PRs فى LangGraph (فريمورك الـ AI agents بتاع LangChain) و Ant Design (مكتبة UI مشهورة)، و كلهم اتقبلوا و طلعوا لايف. و الموضوع فعلا ممتع جدا لدرجة انى لسا بفتح PRs جديدة لحد دلوقت و بتلكك عشان اعمل PRs 😂 الموضوع بدأ لما كنت شغال مع زميلى فى الشغل ‏Yehia khalid على issue فى بروجكت بنستعمل فيه LangChain، و لما لقينا الـ issue زميلى قرر يعمل حاجة عمرى ما فكرت انى اعملها: قرر يفتح PR بحل للمشكلة دى فى المكتبة نفسها، و بالفعل الـ maintainer رد عليه و عمله ابروف. فانا كمان اتحمست، لانى كنت لقيت issue مختلفة قبلها بفترة صلحتها عندى فى البروجكت، بس مفكرتش وقتها انى اعمل بيها contribution. ففعلا عملت PR و اتعمله ميرج تانى يوم و خدت الدوبامين شوت بقى 😂 لما كنت صلحتها قبل كدا فى البروجكت محستش بانجاز قوى… بالنسبالى مشكلة حصلت و انا شغال على فيتشر جديدة و صلحتها. لكن نفس المشكلة لما عملت بيها contribution حسيت بانجاز كبير انى شاركت فى كود هيستخدمه آلاف الديفيلوبرز فى آلاف البروجكتس… اظن دا سبب شعور الانجاز. و اظن انى ادمنت الموضوع، لانى مجرد ما اتعمل ميرج لاول PR دخلت عملت 6 PRs تانيين فى Ant Design خلال الاسابيع اللى بعدها، بحاجات كنت فكرت فيها قبل كدا زمان ان هتكون لذيذة لو موجودة عموما الموضوع دا غير المايند سيت بتاعتى: بعد كدا لما احس ان فيه مكتبة ناقصها حاجة او حاسس انى ممكن ينضاف ليها حاجة، هدخل اعملها بنفسى من غير تردد. الـ PRs كلها فى أول كومنت 👇 #OpenSource #React #AntDesign #LangChain #JavaScript