Post by Mohamed Geweida

Name: "هو ده تمثال مين؟" سؤال بسيط، لكنه كان بداية مشروع اشتغلنا عليه خلال الفترة اللي فاتت. في مصر، عندن
Uploaded: 2026-07-04T15:00:02.468Z
Channel: Mohamed Geweida
Description: "هو ده تمثال مين؟" سؤال بسيط، لكنه كان بداية مشروع اشتغلنا عليه خلال الفترة اللي فاتت. في مصر، عندنا آثار ومعالم تاريخية يعرفها العالم كله، لكن في نفس الوقت ناس كتير بتقف قدام أثر ومتعرفش اسمه، أو قص

ML Intern @FlyRank Ai | AI & Data Scientist | CS Student

"هو ده تمثال مين؟" سؤال بسيط، لكنه كان بداية مشروع اشتغلنا عليه خلال الفترة اللي فاتت. في مصر، عندنا آثار ومعالم تاريخية يعرفها العالم كله، لكن في نفس الوقت ناس كتير بتقف قدام أثر ومتعرفش اسمه، أو قصته، أو حتى بينتمي لأي حقبة تاريخية. من هنا بدأت فكرة Ta-Mery. واخترنا الاسم ده لأنه الاسم اللي كان المصريون القدماء بيطلقوه على مصر، ومعناه "الأرض المحبوبة". كان هدفنا نبني نظام يعتمد على الذكاء الاصطناعي يقدر يتعرف على المعالم والآثار المصرية من مجرد صورة، ويكون خطوة صغيرة تساعد أي حد مهتم بتاريخ مصر أو بيزورها إنه يوصل للمعلومة بسهولة. في البداية كنا فاكرين إن أكبر تحدي هيكون إننا نوصل لأعلى Accuracy ممكنة. لكن مع الشغل اكتشفنا إن التحدي الحقيقي كان في حتة تانية خالص... هل الموديل يعرف يقول "أنا مش عارف"؟ في الاستخدام الحقيقي، أي حد ممكن يرفع صورة لشخص، أو كوب قهوة، أو مبنى عادي، أو حتى معلم من دولة تانية. ولو الموديل قرر يصنف أي صورة على إنها أثر مصري، حتى وهو مش واثق، فالمشكلة مش هتكون في نسبة الـ Accuracy... المشكلة هتكون إن المستخدم هياخد معلومة غلط وهو واثق فيها. علشان كده أضفنا Out-of-Distribution Detection (OOD) باستخدام Maximum Softmax Probability (MSP)، بحيث النظام يقدر يرفض الصور اللي مش خاصة بآثار مصرية بدل ما يخمن. بعد كده اشتغلنا على تدريب النموذج باستخدام EfficientNetV2-M واتباع استراتيجية Transfer Learning على مرحلتين، مع تحسينات مستمرة على الـ Pipeline لحد ما وصلنا للنتيجة مُرضية. الحمد لله المشروع حقق: - 98.84% Top-1 Accuracy - 100% Top-3 Accuracy لكن بعيدًا عن الأرقام... أكتر درس اتعلمناه من المشروع إن الذكاء الاصطناعي مش بس إنه يديك إجابة صحيحة، لكن كمان يعرف إمتى ما يديش إجابة. حابين نوجه شكر كبير Dr. Heba El-Hadidi على دعمها وتوجيهها لينا طول فترة المشروع. ملاحظاتها وتشجيعها كان ليهم دور كبير في إننا نطور المشروع بالشكل ده. وكمان شكر كبير للتيم: Fares Taha Abdelrahman Elharouny Yossef Elshamy كانت تجربة مليانة تعلم وتعاون، واتبسطت جدًا بالشغل معاكم، وإن شاء الله تكون بداية لمشاريع أكبر الفترة الجاية. وأخيرًا... لو عندكم أي اقتراحات أو أفكار ممكن تطور المشروع أكتر، أو أي Feedback بشكل عام، هكون سعيد جدًا أسمعه. #ArtificialIntelligence #MachineLearning #DeepLearning #ComputerVision #TensorFlow #TransferLearning #Egypt #AI

Video Content