Post by Mohamed Abdu

أنا عمري ما فكرت أكتب بوست،،،،  بس اللي بشوفه من كمية "العبث المهني" على معظم منصات الـ Social Media والمنصات الرقمية خلاني أخرج عن صمتي بقا ،،،، كده كتير . بطبيعة انتمائي للمجال المالي والمحاسبي، وبطبيعة الحال في مجالات تانية كتير، بقينا بنشوف ظاهرة غريبة اسمها: أنا Number 1 ،،،،، قولي مين قالك انك كده ،،،،، من حق أي حد يكتب عن خبرته ويفيد الناس بمعلومة أو قصة اكتسب منها خبرة. وفي ناس كتير "شاطرة جداً" للأسف مش واخدة حظها في التسويق لنفسها بطريقة مبهرة توضح خبرتها أو من كتر الشغل الى عندها مش فاضية أصلا تسوق لنفسها. لكن في المقابل، بقينا بنشوف نماذج غريبة طالعة بتقول: "أنا حوت الحسابات" 🐋 "أنا نجم الضرائب" 🌟 "أنا ديب المالية" 🐺 ألقاب غريبة بغرض التسويق الزائف.. ومين أصلاً اللي منحك الألقاب دي وعلى أي أساس؟! الأسوأ من كده، لما تشوف واحد مسمي نفسه كمثال "بابا المجال"، وطالع بيعمل Interview لمحاسب صغير لسه متخرج أو خبرته سنتين، ومطلعه على المسرح عشان يثبت إنه Professional وجامد ومفيش أشطر منه! هل ده تسويق ولا استعراض؟ احنا ليه وصلنا لكده؟ الحقيقة المهنية اللي لازم الكل يعرفها: مفيش حد ينفع يقول على نفسه في أي مجال إنه Number 1 العمل المالي والمحاسبي بالذات هو منظومة عمل جماعي، الكل فيها بيتعلم من بعض، وكل جيل بيسلم الجيل اللي بعده مفيش حد بيوصل لمرحلة الكمال لأن كل يوم فيه جديد محتاجين نتعلمه. في وسط كوكب العبث ده، في نماذج محترمة وإيجابية الواحد يتشرف يتعلم منها الرقي والتواضع، وفي شخصيتين أنا بتابعهم وبتعلم منهم (ولا تربطني بهم أي صلة شخصية): Dr. Tamer Alsayed من الناس الراقية جداً في تعاملها ومحتواها، عمره ما طلع قال أنا "بابا المجال"، بيقدم محتوى هادف من مواقف عملية للنقاش بمنتهى التحضر، صورة مشرفة فعلاً للمجال.  Mohamed Aboulnaga  رائد الأعمال المعروف، اللي عامل بوستات الكام يوم اللي فاتوا في منتهى الرقي، بيشكر فيها كل واحد اتعلم منه في مسيرته المهنية بدون مقابل وكان سبب في نجاحه والخبرات الى اكتسبها، كان ممكن ميعملش كده بس هي دي الشخصية الحقيقية لـ (Nagaty) حد متصالح مع نفسه ،،،، عمره ما قال انا بعرف في كل حاجة ،،،، دايما يقول انا لو معرفش في حاجة اجيب إلى بيعرف و اتعلم منه، وعنده يقين راسخ إن الرزق جاي من الشغل الحقيقي مش من الادعاء بانك الأفضل وإنك أجمد حد في الشغلانة، مع إنه سبق وقال (سوق لنفسك 20% واشتغل80% ) بس فى ناس معندهاش وقت تسوق لنفسها سؤال بسأله لنفسي وأحب أسمع رد من أي حد حيشوف البوست ده بالصدفة: ليه الغرور والادعاء الزائف بقوا هما أداة التسويق المهني الأقرب لكتير من الناس دلوقتي؟