Post by Mohamed Gamal
Clinical Pharmacy Intern | Community Pharmacist | Branch Manager | with 6+ Years Experience | Medical Content Creator
قرح الفم (Oral Ulcers ) من اكتر الحالات الي من خبرتي بشوف الناس بتتعامل معاها غلط فالصيدلية وبتوصفلها ادوية مش مناسبه او معظم الناس بتدي Oral healing gel وخلاص منغير ميشخص الحاله صح ولا يديها العلاج المناسب وده لأن فعلا صعب نفرق بين الحالات المختلفه بتاعتها وهل الحاله تستوجب علاج فعلا ولا لا فانهاردة ان شاء الله هنشرح most 4 common cases من قرح الفم وازاي نقدر نتعامل معاها بشكل سليم 1- الأفتة (Recurrent Aphthous Ulcer) في منها انواع بالمناسبة علي حسب الseverity بتاعتها منها وحجمها ودي الي غالبا بتحصل لمعظم الناس بتلاقيها دايرة بيضاء صغيره او مصفره محاطه باطار احمر وبتكون مؤلمه ودايما بتيجي اسفل الفم تحت اللسان او الشفاه السفليه الملاصقه للاسنان المريض يشتكيلك انها بتحرقه ومش بيعرف ياكل منها كويس دي بتيجي نتيجة ضغط عصبي او نقص شوية فالمناعه والتغذيه وممكن نظهر لوحدها منغير سبب واضح ممكن نقص فيتامينات خصوصا الحديد و b12 حلها اننا بندي Topical corticosteroids + chlorohexidine منظف وعشان يعزلها ويمنع تفاقمها لو الحاله شديده اوي هندي prednisolone ولكن systemic وبجرعه معينه ولمدة زمنيه معينه ولو الموضوع شديد اوي هندي مخدر موضعي زي الlidocaien 2- Herpes Simplex (قرح الهربس) ودي عادة بتكون باينه وواضحه والشخص بيكون عارفها لانها لها شكل مميز الحقيقه وغالبا بتكون متكرره معاه تجمعات كتير لاشكال شبه الحبوب برؤوس بيضا وبيكون في تجمعات مع بعض مش لوحدها طبعا هي عدوى فيروسيه وبتكون مصاحبه لنقص فالمناعه والتغذيه حلها اننا بندي anti viral creams واحيانا اقراص علي حسب بردو الseverity بتاعت الحاله Acyclovir drug of choice 3- القرحة الناتجة عن إصابة (Traumatic Ulcer) ودي القرح الناتجه عن ان واحد عور نفسه سواء عضل لسانه او عضل خده هو المتسبب فيها يعني اتعور وهو بيلعب او اخد خبطة وبقيت تعويرة ففمه ودي من اسهلهم لانها فالغالب مبتحتاجش علاج وبتلتئم لوحدها ممكن مطهر للفم وخلاص كده ولو كبيرة اوي بندي Healing gel معاها 4- فطريات الفم (Oral Candidiasis) ودي نتيجة عدوى فطريه بتحصل فالفم وبيكون شكلها ابيض وفتجمعات وواضحه زي الصورة كده ودي بنعالجها بمضادات فطريات زي miconaz - daktarin oral gel وبالمناسبة دي الحاله الوحيده بس الي ينفع استخدم فيها مضاد فطريات للفم مش اي قرحه هنديها مضاد فطريات ياصاحبي 😅 وبس كده لو اتمنى تكونو استفادتم ولو حد حصل معاه وشاف موقف فالصيدلية ان حد بيوصف حاجه غلط للقرح ياريت يقولنا فالكومنتات
