Post by Mohamed Fayez

بند UPVC :- نيجي الأول نعرف يعني ايه 🤔؟ الـ UPVC اختصار لكلمة بولي فينيل كلوريد غير الملدن، وهي مادة بلاستيكية تمتاز بدرجة عالية من القوة والصلابة، لذلك تُستخدم في أعمال البناء، ومؤخرًا تم إدراجها ضمن المواد المُستخدمة في صناعة إطارات النوافذ والأبواب.. 👈🏻 ايه الفرق بين UPVC وPVC: الـPVC بيحتوي على مواد ملدنة بتجعله مرن. الـUPVC خالي من المواد دي، عشان كده هو أكثر صلابة ومتانة. ⚪ مميزات أبواب وشبابيك UPVC: عزل حراري ممتاز: لا تمتص الحرارة، ومناسبة للغرف المعرضة للشمس. سهلة التنظيف: تقدر تنضفها بقطعة قماش مبللة بكل سهولة. عزل صوتي: بتمنع وصول الضوضاء الخارجية، وده يخليه يوفر هدوء وراحة. عزل للأتربة والمياه: بتمنع دخول الغبار والأمطار بفضل إحكام تركيبها. تصميمات متنوعة: يمكن دمجها مع الزجاج بمختلف انواعه لإطلالة جمالية أنيقة وإضافة عنصر ديكوري زي الزجاج الجورجيا . باختصار، الـUPVC خيار مثالي للأبواب والشبابيك لأنه يجمع بين القوة، العزل، الجمال، وسهولة الصيانة. عشان كده البند ده من البنود المهمة جدا فى وحدتك السكنية أو أي منشأ معماري، وطبعا ليه اشكال وقطاعات والوان متعددة، يعني ممكن تلاقي منه اللون الأبيض والبيچ والخشابي واحيانًا الأسود ومتوفر منه المصري والتركي والبلجيكي . ✨ اشهر الماركات المتاحة في مصر :- 👈🏻ماركات بلجيكية (جودة مميزة) ديكونيك (Deceuninck): من الماركات البلجيكية ذات الجودة العالية. 👈🏻ماركات تركية ( جودة عالية ) وينتك (WINTECH): ماركة تركية قوية ومشهورة. كومبن (KOMPEN): تعتبر من القطاعات الموثوقة في السوق المصري. فيرات بن (FIRATPEN): ماركة أخرى من تركيا. أدوبن (Adopen): ماركة تركية أخرى. 👈🏻ماركات مصرية (أسعار تنافسية) برونيل (ProNile): من القطاعات المصرية الشائعة. منازل (Manazil): من الماركات المعروفة في السوق المصري. كرافت لاين (KRAFT LINE): قطاع مصري شهير. إيمابن (EMAPEN): ماركة مصرية أخرى مشهورة. كيفية استلام البند 👌🏻:- - اهم حاجه عشان تكون عارف أن القطاع ده جزء كبير من صناعته فهو البلاستيك فطبعا لوحده مش كفاية فلذلك بيدخل فى تصنيعه قطاعات حديد ميتال فى قلب القطاع نفسه فيه جروف أو تجويف من الداخل بيكون فيه بار الحديد ده وطبعا معني أن ف حديد يعني لازم تستلمه وتتأكد من وجوده على كامل طول الإطار وده بإستخدام مغناطيس قوي تمشيه على كل جزء ف الإطار لضمان أنه موجود ومش متخنصر منه حاجه 😉. - تتأكد من وزنة الباب والشباك وزنة رأسية وافقية بميزان المية، وكمان تتأكد من عجل الشغل الجرار وأنه بيفتح ويقفل كويس وطبعا تستلم علاقات تقفيل اللحام عند كل زاوية لحام مكوي نضيف. - تتأكد من تنفيذ الاكسسوارات على حسب التوصيف المطلوب بالظبط. - تتأكد من تثبيت الإطارات بالمسامير والفوم كويس جدا، وتركيب البصمات اللي بتداري مسامير التثبيت وطبعا تكون من نفس لون القطاع. تتأكد من تقفيل العلاقات بالسليكون كويس جدا وتفتيح فتحات المطر مهم جدا - استيكر المصنع يتشال علطول بعد التنفيذ والتركيب أو ميقعدش كتير على القطاع عشان الشمس هتخليه يلزق وإزالته هتبقي صعبة بعدين. - السلك سواء كان بليسيه أو جرار أو ثابت تتأكد أنه من نوع ممتاز متين مجلفن ومشدود كويس جدا .

Video Content